9:693  693  CONFESSION  DE  LA  FOY  LAQUELLE  TOUS  BOURGEOIS  ET  HABITANS  DE  GENEVE  ET  SUBIETZ  DU  PAYS  DOIBVENT  IURER  DE  GARDER  ET  TENIR.  I.  La  Parolle  de  Dieu.  *  Premierement  nous  protestons  que  pour  la  reigle  de  nostre  foy  et  religion  nous  voulions  suyvre  la  seule  Escripture,  ≪ans  y  mesler  aucune  chose  qui  ayt  este  controuvee  du  sens  des  hommes  sans  la  Parolle  de  Dieu:  et  ne  pretendons  pour  nostre  gouvernement  spirituel  recevoir  aucune  doctrine  que  celle  qui  nous  est  enseignee  par  icelle  parolle,  sans  y  adiouster  ne  diminuer,  ainsi  que  nostre  Seigneur  le  commande.  |  II.  Ung  seul  Dieu.  Suyvant  doncques  l'institution  qui  est  contenue  aux  sainctes  Escriptures,  nous  recognoissons  qu'il  v  a  ung  seul  Dieu  lequel  nous  debvons  adorer  et  auquel  nous  debvons  servir,  auquel  nous  debvons  mettre  touto  nostre  fiance  et  esperance:  ayant  celle  asseurance  qu'en  luy  seul  est  contenue  toute  sapience,  puissance,  iustice,  bonte  et  misericorde.  Et  comme  il  est  Esprit  qu'il  le  fault  servir  en  esprit  et  en  verite.  Et  pourtant  reputons  une  abomination,  de  mettre  nostre  fiance  ny  esperance  en  creature  aulcune,  de  adorer  aultre  que  luy,  soit  anges  ou  aultres  creatures  quelconques,  et  de  recongnoistre  aultre  Seigneur  de  nos  ames  que  luy  seul,  soient  saincts  ou  sainctes,  ou  hommes  vivans  sur  la  terre:  pareillement  de  constituer  le  service  qui  luy  doibt  estre  rendu,  en  ceremonies  exterieures  et  observations  charnelles,  comme  s'il  se  delectoit  en  telles  choses,  de  faire  ymage  pour  representer  sa  divinite  ne  aussi  aultre  ymage  pour  adorer.  III.  Loy  de  Dieu,  seule  pour  toutes.  Pourtant  qu'il  est  le  seul  Seigneur  et  Maistre  qui  a  la  domination  sur  nos  consciences,  et  aussi