23:641  641  TROIS  SERMONS  SUR  L'HISTOIRE  DE  MELCHISEDEC.  PREMIER  SERMON  DE  L'HISTOIRE  DE  MELCHISEDEC.  AUQUEL  EST  AUSSI  TRAITTEE  LA  DELIVRANCE  DE  LOT,  FAITE  PAR  ABRAM.  Genese  Chap.  14.  13.  Quelqu'un  qui  estoit  eschappe  le  dit  a  Abram  Ebrieu  qui  habitoit  vers  les  chesnes  de  Mamre,  lequel  estoit  Amorreen,  frere  d'Escol  et  frere  d'Aner,  qui  avoyent  alliance  avec  Abram.  14.  Abram  ayant  ouy  que  son  parent  estoit  prisf  tira  de  sa  maison  trois  cens  et  dixhuit  serviteurs^  enseignez  sous  sa  main,  et  poursuyvit  les  ennemis  iusques  en  Dan.  15.  Et  s'estant  divise  luy  et  ses  serviteurs  de  nuict,  frappa  les  ennemis,  les  pour  suyvant  iusques  en  Hobah,  qui  est  a  la  gauche  de  Damas.  16.  Et  ramena  toute  la  sustance,  etc.  Nous  avons  a  poursuyvre  l'histoire  qui  fut  hier  commencee  de  la  delivrance  de  Lot.  Et  en  premier  lieu  nous  voyons  comme  Dieu  a  declaire  sa  bonte  et  faveur  envers  Abram,  quand  il  luy  a  donne  [pag.  14]  moyen  d'aller  a  la  recousse.  Et  voyla  pourquoy  Moyse  dit  notamment,  (qu'un  qui  estoit  eschappe  est  venu  vers  Abram  Ebrieu).  Il  est  vray  que  ce  mot  n'est  point  mis  par  ignominie:  car  la  lignee  d'Eber  a  eu  ce  nom4a:  et  Eber  estoit  descendu  de  Sem  (comme  nous  avons  declaire  cy  dessus)  tellement  qu'Abram  estoit  desia  comme  separe  de  Dieu,  pour  n'estre  point  polu  parmi  les  Chananeens.  Mais  quoy  qu'il  en  soit,  Moyse  luy  attribue  ce  nom,  comme  s'il  disoit  qu'il  estoit  estranger,  et  qu'il  estoit  venu  habiter  en  pais  lointain  en  ceste  terre  de  Canaan.  Or  nous  savons  qu'il  povoit  estre  mesprise,  d'autant  qu'il  n'avoit  la  ne  parens  ny  amis:  tant  y  a  qu'encores  Dieu  luy  fait  ceste  grace  et  privilege,  qu'en  temps  et  en  lieu  ii  est  adverti  du  mal  qui  est  avenu  a  son  neveu  pour  y  secourir.  Or  Moyse  aiouste,  qu'il  estoit  allie  avec  ses  voysins.  Par  cy  devant  nous  Calvini  opera.  Vol  XXIII.