32:481  SERMONS  SUR  LE  PSEAUME  CXIX.  P  R  E  M  I  E  R  SERMON.  Du  Dimanche  8.  iour  de  Ianvier,  1553.  P  r  e  m  i  e  r  h  u  i  c  t  a  i  n  .  ALEPH.  Bien-heureux  sont  ceux  qui  sont  entiers  en  leur  voye,  cheminans  en  la  loy  du  Seigneur.  Bien-heureux  sont  ceux  qui  gardent  ses  tesmoignages,  et  qui  le  cerchent  de  tout  leur  coeur.  De  fait,  ils  ne  font  point  iniquite,  ains  cheminent  en  ses  voyes.  Tu  as  ordonne  des  commandemens,  qu'on  les  garde  diligemment.  A  la  miene  volonte,  que  mes  voyes  soyent  adressees,  pour  garder  tes  ordonnances.  Adonc  ie  ne  seray  point  confus  quand  i'auray  regarde  a  tous  tes  commendemens.  Ie  te  celebreray  de  coeur  droit,  quand  i  auray  apprins  tes  iustes  iugemens.  Ie  veux  garder  tes  statuts:  ne  me  delaisse  donc  par  trop.  Nous  devrions  bien  avoir  grande  honte,  veu  que  Dieu  tasche  de  nous  attirer  a  soy  par  tous  moyens,  et  cependant  nous  n'y  voulons  venir  en  facon  que  ce  soit:  mais  plustost  reculons.  Quand  il  n'y  auroit  autre  tesmoignage  de  cela,  que  ce  Pseaume  que  nous  avons  maintenant  a  exposer,  il  suffiroit  bien:  car  le  contenu  est,  de  nous  monstrer  quelle  grace  Dieu  nous  fait,  quand  nous  sommes  enseignez  quelle  est  la  regle  de  le  bien  servir,  ou  gist  nostre  salut,  et  quel  est  le  moyen  d'y  parvenir.  Quand  donc  Dieu  nous  fait  la  grace,  que  nous  sommes  ainsi  enseignez  par  sa  parole,  voyla  un  thresor  qui  ne  se  peut  assez  priser.  Or  au  Pseaume  present,  il  nous  est  monstre  que  tel  est  l'usage  de  la  Loy  de  Dieu  et  de  toute  l'Escriture  saincte:  et  sommes  instruits  et  exhortez  a  recueillir  le  profit  qui  nous  est  la  offert.  Mais  d'autant  que  les  hommes,  quand  il  est  question  de  venir  a  Dieu,  sont  si  paresseux  que  c'est  pitie:  et  encore  que  Dieu  se  soit  approche  d'eux,  qu'ils  ont  bien  tost  mis  en  oubli  tout  ce  qu'ils  ont  entendu  de  luy  voyci  une  aide  qu'il  adiuste:  C'est  qu'il  a  voulu  que  ce  Pseaume  fust  compose  par  Huictains,  et  que  tous  les  versets  Calvini  opera.  Vol.  XXXII.