21:119  UL  IOANNIS  CALVINI  vlTA  A  Theodoro  Beza  Genevensis  ecclesiae  ministro  accurate  descripta.  *)  Si  quis  erit  qui  me  alio  quam  tuendae  veritatis  studio  existimet  ad  hanc  Ioannis  Calvini  vitam  describendam  accessisse,  facile  me  ut  spero  ab  hac  calumnia  praesens  rerum  humanarum  status  vindicabit.  Vix  enim  ullum  est  brevius  ad  omnem  calamitatem  compendium,  quam  virtutem  laudasse:  extremae  vero  dementiae  fuerit,  quod  malum  possis  vel  uno  silentio  redimere,  id  ultro  tibi  accersere.  Quod  si  ne  virtutem  quidem  ullam  impune  praedicare  patiuntur  scelerati,  quid  iis  exspectandum  est,  quibus  pietatem,  id  est  quiddam  ipsa  virtute  superius,  praedicare  propositum  est?  cui  non  improbi  tantum  homines  adversantur,  sed  etiam  plerumque  ii  ipsi  bellum  indixerunt,  qui  maxime  probi  videri  ac  interdum  esse  student.  Nec  enim  ullos  habet  pietas  acriores  inimicos,  quam  eos  ipsos,  qui  falsam  religionem  pro  vera  serio  sunt  amplexi.  Sed  ista  me  quantumvis  in  speciem  terribilia  minime  tamen  perculerunt.  Turpe  enim  fuerit,  malorum  metu  bonos  silere  et  superstitiosorum  clamoribus  oppressam  religionis  vocem  conticescere.  Quod  si  quis  excipiat,  longe  aliud  esse  Calvini  vitam  scribere,  quam  veritatem  defendere,  fatebor  equidem  ego,  longe  aliud  esse  hominem  quam  veritatem:  sed  hoc  tamen  dicere  non  erubescam,  haud  temere  dictum  esse  ab  eo,  qui  est  amak^dna  (Ioan.  20  v.  21):  Sicut  misit  me  pater,  ita  et  ego  mitto  vos,  et  (Luc.  10.  v.  16.)  Qui  vos  audit,  me  audit.  Clamitent  igitur  homines,  tum  qui  id  sibi  per  ignorantiam  persuaserunt,  tum  qui  per  improbitatem  sic  loquuntur,  Lutherum,  Zwinglium,  Calvinum  a  nobis  pro  diis  1)  Paginas  notamus  ed.  Genevensis  1575  (1576)  fol  et  ed.  Lausannensis  1576.  8.  Lectionem  in  textu  exprimimus  veterem  et  authenticam  Bezanam,  in  margine  passim  selectiores  variantes  quas  editiones  recentiores  praebent,  maxime  ad  Amstelodamensem  expressae.  Nickelius  modo  has  modo  illam  recepit