43:1  1  AMOS.  Quo  tempore  coeperit  fungi  doctoris  officio  ipse  ostendit:  sed  quamdiu  prophetaverit  non  constat,  nisi  quod  existimant  Hebraei  fuisse  diuturnum  cursum  :  quia  scilicet  munus  suum  continuavit  sub  quatuor  regibus,  ut  ipsi  scribunt.  Meminit  autem  hic  tantum  regni  Uziae  et  Iarobeam:  sed  voluit  notare  quando  coeperit  prophetae  munus  exsequi,  non  autem  exprimere  quamdiu  in  hoc  officio  operam  suam  Deo  praestiterit.  Cur  autem  non  nisi  initium  hoc  attingit,  postea  suo  loco  videbimus.  Certum  hoc  quidem  est,  exorsum  fuisse  sub  rege  Uzia,  et  sub  rege  Iarobeam.  Deinde  hoc  quoque  notandum  est,  fuisse  ordinatum  prophetam  regno  Israel.  Tametsi  enim  oriundus  erat  ex  tribu  Iehudah,  voluit  tamen  eum  Dominus  praeficere  regno  Israel,  quemadmodum  etiam  videbimus.  Interdum  convertit  sermonem  ad  tribum  Iehudah:  sed  hoc  est  quasi  accidentale,  et  ut  occasio  ferebat:  praecipue  vero  intentus  est  ad  decem  tribus.  Nunc  venio  ad  eius  verba.  CAPUT  L  1.  Verba  Amos,  qui  fuit  inter  pastores  (vel  pecuarios)  ex  Tema:  quae  vidit  super  Israel  diebus  Usiae  regis  Iehudah,  et  diebus  Iarobeam  filii  Ioas  regis  Israel,  biennio  ante  motum  terrae  (vel  y&<3\koi).  Hic  Amos  non  iactat  se  aliquid  afferre  a  se  ipso  quum  de  verbis  suis  loquitur,  sed  tantum  profitetur  se  ministrum  esse  Dei:  quia  mox  addit  se  vidisse  per  revelationem.  Deus  enim  ipse  suscitat  prophetas,  et  utitur  eorum  opera:  sed  interim  dirigit  eos  suo  spiritu,  ne  quid  proferant  nisi  ab  ipso  acceptum,  ut  fideliter  quasi  per  manus  tradant  quod  ab  ipso  solo  profectum  est.  Duo  igitur  haec  inter  Be  cohaerent,  prophetias,  quae  postea  sequentur,  esse  verba  Amos:  sed  haec  verba  fuisse  illi  patefacta  divinitus.  Nam  verbum  nTPi,  quo  utitur  Amos,  proprie  significat  videre  per  revelationem:  unde  etiam  Calvini  opera.  Vol.  XLIII.