34:1  1  LE  SOIXANTEDEUXIEME  SERMON,  QUI  EST  LE  I.  SUR  LE  XVI.  CHAPITRE.  Sinon  qu'il  y  a  quelque  reste  du  dernier  verset  du  15.  chapitre.  1.  Iob  respondant,  dit,  2.  T  ai  ouy  souvent  telles  choses:  vous  estes  tous  des  consolateurs  fascheux.  3.  Quand  sera  la  fin  des  paroles  de  vent?  et  de  qui  te  fortifieras-tu  a  respondre?  4.  Ie  pourroy  e  parler  comme  vous:  si  vostre  ame  estoit  au  lieu  de  la  miene,  ie  vous  tiendroye  compagnie  en  propos,  ie  hocheroye  la  teste  sur  vous.  5.  Ie  vous  fortifieroye  en  paroles,  et  mes  propos  seroyent  pour  recevoir  la  douleur.  6.  Mais  si  ie  parle,  ma  douleur  ne  se  diminuera  point:  et  si  ie  me  tay,  quel  allegement?  7.  ll  m1  a  charge  d'angoisses,  il  a  desole  toute  ma  congregation.  8.  Il  m'a  desseche  des  rides  en  tesmoignage,  et  maigreur  est  venue  sur  moy  qui  tesmoigne  en  ma  face.  9.  Il  m'a  descire  en  son  ire,  il  m'a  traitte  furieusement,  il  grince  les  dents  sur  moy:  et  mon  ennemi  m'aguette,  et  tire  les  yeux  contre  moy.  Apres  qu'Eliphas  a  dit,  qu'il  faut  que  les  meschans  et  contempteurs  de  Dieu  soyent  maudits,  et  que  tout  leur  vienne  a  rebours:  pour  conclusion  il  adiouste,  qu'ils  ne  concoivent  que  douleur  pour  enfanter  peine,  et  que  leur  ventre  nourrist  fraude  et  tromperie.  En  quoy  il  denote  que  toute  l'apparence  qu'ont  ies  meschans  ne  leur  vient  point  a,  profit,  mais  que  Dieu  leur  tourne  tout  aut  rebours  ce  qu'ils  ont  pense,  par  ce  moyen  ils  sont  frustrez  de  leur  attente.  Vray-est  qu'on  expose  ceste  sentence,  comme  si  c'estoit  une  raison  que  rendist  Eliphas:  c'est  assavoir,  que  non  sans  cause  Dieu  afflige  et  maudit  les  meschans  et  hypocrites.  Et  pourquoy?  Car  ils  ne  font  que  machiner  mal  a  tout  le  monde.  Selon  donc  qu'ils  travaillent  leurs  prochains,  il  leur  est  rendu  en  pareille  mesure.  Et  de  fait  l'Escriture  saincte  use  souvent  de  ceste  facon  de  parler,  comme  au  Pseaume  septieme  (v.  15):  le  semblable  dit  Isaie  au  cinquanteneufieme  chapitre  (v.  4).  Calvini  opera.  Vol.  XXXIV.