9:99  99  SECUNDA  DEFENSIO  100  uterque,  quia  iam  multorum  consensu  possessionem  adepti  nolint  cedere.  Nihil  hic  meum  est:  nuda  Westphali  defensio.  Quod  si  multitudine  res  agitur,  cur  non  etiam  nobis  locus  dabitur  ?  Haereticos  pronunciat  Westphalus,  quorum  nulla  sit  habenda  ratio.  Audiatur  nunc  papa,  qui  in  suffragiis  locum  primum  obtinet.  Quid  tam  de  illo  quam  de  nobis  pronunciabit?  Sed  nobis  in  promptu  erit  exceptio,  stare  nos  semper  ad  disceptationem  voluntarios.  Ita  se  hactenus  gesserunt  Augustanae  confessionis  patroni,  quorum  nomine  tam  audacter  Ioachimum  nostrum  abuti  miror,  qui  tam  male  eos  imitatur.  Putarunt  se  Germani  principes,  qui  evangelium  tuendum  susceperant,  rite  officio  defunctos  esse,  si  per  eos  non  staret,  quo  minus  susciperetur  legitima  cognitio,  ac  semper  conquesti  sunt  sibi  ianuam  praecludi.  Haec  nostra  fuit  agendi  ratio,  quoties  ad  tractandam  religionis  causam  vocati  sumus:  nec  ulli  unquam  habiti  sunt  ordinum  Imperii  conventus,  ubi  nostri  disputationem  non  postularint.  Quibusdam  ipse  interfui:  quid  ante  agere  soliti  essent,  ex  publicis  actis  liquet.  Ut  longius  progrediar,  mihi  cum  [pag.  123]  turbulentis  hominibus,  atque  etiam  cum  haereticis  saepius  tum  in  hac  urbe,  tum  alibi  fuit  certamen  de  doctrina.  Adeo  non  recusavi  quo  minus  mecum  disceptarent,  ut  sponte  me  prior  obtulerim.  Dabat  enim  fiduciam  causae  bonitas,  ne  trepidarem  ad  lucis  conspectum.  Nunc  unde  novae  lautitiae  Westphalo:  l)  ut  non  haereticos  solum  ab  omni  cognitione  arceat:  sed  piis  Dei  cultoribus,  quibus  maior  quam  eius  similibus  ad  illustrandam  evangelii  gloriam  data  est  dexteritas,  et  qui  fructuosis  laboribus  de  ecclesia  non  male  meriti  sunt,  audientiam  praefracte  neget?  Si  in  quaestionem  veniret  sacra  verbi  Dei  maiestas,  acriter  huic  licentiae  obsistere  deceret,  fateor,  sed  hic  opinio  tua,  Westphale,  non  scriptura  in  disceptationem  vocatur.  Neque  enim  quaeritur  verene  ac  recte  Christus  panem  vocaverit  corpus  suum:  sed  quid  dicere  voluerit,  et  quid  eius  verba,  quae  reverenter  amplectimur,  significent.  Tu  clariora  esse  contendis,  quam  ut  expositione  indigeant.  Nos  idem  de  claritate  asserimus,  modo  aperire  oculos  ne  graveris.  Quod  ergo  de  consensu  obtendis,  quia  tanquam  futile  ridebunt  omnes,  durius  a  me  refutari  nihil  attinet.  Quod  autem  de  libris  nostris  abolendis  tam  anxie  laborat,  suam  in  eo  [pag.  124]  malignitatem  ac  livorem  apertius  prodit,  quam  ut  longa  demonstratione  sit  opus.  Hoc  quidem  obtineo,  nisi  causae  diffideret,  non  fore  adeo  fugacem,  qui  alioqui  plus  satis  animosus  est  pugnator.  Hac  quoque  ratione  a  proposito  argumento  digreditur,  calumniarum  rhapsodias  hinc  inde  accu-  1)  d'ou  vient  que  Westphal  est  si  douillet?