8:99  99  CONGREGATION  100  faite  avec  vos  peres,  car  ils  Tont  transgressee.  Et  n'en  peut  advenir  autrement  aux  hommes,  qu'incontinent  ils  ne  soyent  desloyaux  a  Dieu,  qu'ils  ne  se  separent  de  luy.  Si  donc  Dieu  veut  avoir  une  alliance  qui  soit  ferme  et  permanente  avec  nous,  il  faut  qu'il  engrave  [page  15]  sa  Loy  en  nos  coeurs.  Et  fait-il  cela  en  general  a  tous  hommes?  Nous  voyons  (comme  i'ay  dit  au  commencement)  le  contraire,  voire  par  experience.  Il  faut  donc  conclure,  que  cela  ne  vient  point  de  nostre  vertu,  ny  de  nostre  dignite  ou  merite:  mais  d'une  pure  grace  de  Dieu.  Nous  voyons  que  tous  n'ont  point  la  Loy  imprimee  en  leurs  coeurs;  que  le  coeur  de  pierre  demeure  en  la  pluspart,  ausquels  nous  voyons  une  obstination  plus  que  desesperee.  Cognoissons  donc,  que  ceste  promesse-la  est  speciale,  et  que  Dieu  ne  besongne  qu'en  ceux  qui  sont  de  sa  maison.  Au  reste,  nostre  Seigneur  Iesus  nous  oste  toute  difficulte.  Car  quand  il  allegue  le  passage  d'Isaye,  est-ce  pour  dire,  que  Dieu  enseignera  tous  hommes?  Mais  au  contraire:  car  il  dit,  qu'en  cela  est  accomply  ce  que  dit  le  Prophete.  Or  quelle  est  l'intention  de  Iesus  Christ?  Voyant  la  stupidite  de  ceux  qui  cuidovent  estre  grans  docteurs,  lesquels  reiettoyent  tout  ce  qu'il  annoncoit,  que  les  grans  prelats  de  l'Eglise  ne  le  recevoyent  pas,  il  dit:  II  ne  se  faut  pas  esbahir  s'il  y  en  a  tant  de  rebelles  et  d'obstinez:  car  il  n'est  pas  a  tous  [page  16]  donne  de  croire.  Il  faut  que  mon  Pere  attire  ceux  qui  viennent  a  moy.  Et  c'est  ce  qu'il  dit,  que  tout  ce  que  le  Pere  luy  a  donne  viendra  a  luy:  et  que  tout  ce  qui  y  sera  venu,  il  le  gardera,  qu'il  ne  souffrira  point  que  rien  en  perisse.  Voila  trois  poincts  qu'il  nous  faut  noter:  L'un  est,  que  quand  nous  venons  a  Iesus  Christ,  que  nous  luy  sommes  donnez  en  heritage  de  Dieu  son  Pere.  Il  ne  sera  point  a  nous,  que  nous  nous  donnions  a  luy,  mais  il  faut  que  le  Pere  luy  face  ceste  donation-la.  Il  faut  donc  conclure  que  l'Election  precede  la  foy.  Car  le  Pere  donne  a  son  Fils  ce  qu'il  a  desia  sien:  c'est  a  dire  que  combien  que  tous  soyent  ses  creatures,  que  toutesfois  ne  sont  point  toutes  de  son  troupeau;  mais  qu'il  a  les  siens  qu'il  a  choisis  comme  il  luy  a  plu.  Il  avoit  donc  desia  esleu  tous  ceux  qu'il  donne  a  Iesus  Christ,  Et  de  la  s'ensuit  le  second  poinct:  c'est  assavoir,  que  Iesus  Christ  recoit  en  sa  garde  et  protection  ceux  qui  luy  sont  donnez  du  Pere,  et  ne  souffrira  point  que  rien  en  perisse;  que  quand  nous  serons  une  fois  en  sa  [page  17]  garde,  il  nous  donnera  une  telle  vertu,  que  nous  persevererons  iusques  a  la  fin.  Comme  nous  l'avons  aussi  bien  veu  aux  10.  chapitre  de  sainct  Iean,  ou  il  dit  que  nul  ne  ravira  les  brebis  qui  luy  sont  commises  en  charge.  Or,  pourquoy  est-ce  que  nul  ne  les  ravira?