7:99  99  BRIEVE  INSTRUCTION  100  tenant  de  monstrer  par  bonnes  raisons  et  tesmoignages  de  l'Escriture,  comment  un  Chrestien  peut  licitement  iurer  sans  offenser  Dieu.  Or  ie  proteste  encore  icy  derechef,  ce  que  i'ay  dict  au  paravant:  assavoir  que  ie  n'entens  pas  lascher  la  bride  au  monde,  pour  Tinduire  a  abuser  du  nom  de  Dieu,  en  faisant  sermens  volages  et  temeraires.  Ie  say  que  c'est  un  vice  qui  n'est  que  trop  commun:  et  pourtant  qu'il  faudroit  plustost  adviser  de  le  reprimer,  que  de  l'augmenter.  Ie  say  aussi  que  ce  n'est  pas  petite  faute,  que  de  prendre  le  Nom  de  Dieu  en  vain,  et  que  d'autant  plus  devons  nous  travailler  a  empecher  un  tel  mal  par  tous  moyens.  Mais  quoy?  De  condamner  ce  qui  est  bon,  pour  empecher  l'abus,  ce  n'est  pas  bonne  facon  de  proceder.  Parquoy,  quand  ie  dy  qu'il  est  licite  en  quelque  cas  a  l'homme  Chrestien  de  iurer,  que  chacun  soit  adverty,  que  ie  parle  du  droit  usage,  lequel  est  conioinct  avec  crainte  et  reverence  du  nom  de  Dieu,  et  que  nul  ne  prenne  occasion  de  mes  parolles,  de  se  desborder  a  faire  sermens  vains  ou  superflus,  ou  autrement  vicieux.  Et  pour  en  definir  plus  apertement,  quand  ie  dy  qu'un  homme  Chrestien  peut  iurer  sans  offense,  [page  103]  i'entens  pour  le  premier,  quand  il  est  question  de  rendre  tesmoignage  a  la  verite.  Secondement,  si  c'est  l'affairel)  qui  le  merite:  laquelle  consideration  se  doit  rapporter  a  l'honneur  de  Dieu  et  a  l'amour  de  nostre  prochain.  C'est  a  dire  qu'il  soit  expedient  et  profitable  de  iurer,  tant  pour  l'honneur  de  Dieu  que  pour  garder  charite  entre  nous.  Tiercement,  que  la  necessite  le  requiere:  c'est  a  dire  qu'il  soit  besoing  d'user  de  telle  confirmation.  Quartement,  que  la  deliberation  et  la  fin  de  celuy  qui  iure  soit  telle.  Finalement,  qu'il  y  procede  en  crainte,  ayant  soing  et  affection  de  sanctifier  le  nom  de  Dieu.  En  tel  cas,  et  non  autrement,  ie  dy  que  l'usage  du  serment  est  permis  aux  Chrestiens.  Si  quelque  gaudisseur  en  abuse,  ce  sera  a  sa  condamnation.  Pour  confirmation  donc  de  mon  dire,  i'allegue  le  commandement  de  Dieu,  auquel  ie  m'arreste.  C'est  qu'il  a  ordonne  et  voulu  qu'on  iurast  par  son  nom,  quand  il  y  auroit  cause  legitime.  De  la  ie  conclus,  que  ce  ne  peut  estre  chose  simple  et  de  soy  mauvaise,  que  iurer.  Car  il  ne  se  peut  faire,  que  ce  qui  est  mauvais  plaise  iamais  a  Dieu.  Qui  plus  est,  d'autant  que  c'est  une  espece  de  l'hommage  que  rendent  les  fideles  a  Dieu,  comme  il  le  demonstre  souvent  [page  104]  par  les  Prophetes:  de  dire  que  c'est  vice  et  peche,  c'est  trop  apertement  resister  a  la  verite.  La  raison  y  est  quant  et  quant.  C'est  que  souvent  il  est  expedient  que  la  verite,  qui  autrement  est  douteuse,2)  soit  confermee:  1)  si  c'est  affaire  1566  suiv.  (si  operae  pretium  est).  2)  lateret  atque  in  dubio  esset.