52:99  99  EPIST,  PAULI  AD  COLOSSENSES  100  aliorum  curam  susciperet:  sed  quia  ratio  officii  sic  postulabat1)  Consolatio  hic  capitur  pro  vera  tranquillitate  in  qua  conquiescant.  Eius  tunc  demum  compotes  fore  asserit,  si  in  caritate  et  fide  compacti  sint.  Hinc  apparet  ubi  situm  sit  summum  bonum,  et  quibus  rebus  constet:  nempe  dum  in  unam  fidem  mutuo  consentientes,  mutua  etiam  caritate  sumus  coniuncti.  Hoc,  inquam,  solidum  pii  animi  gaudium:  haec  beata  vita.  Sicuti  autem  caritas  ab  effectu  hic  commendatur,  quod  vera  laetitia  piorum  animos  perfundit:  ita  rursum  eius  causa  ostenditur,  quum  dicit  in  omnem  plenitudinem  intelligentiae.  Vinculum  enim  sanctae  unitatis  est  Dei  veritas,  dum  eam  uno  consensu  amplectimur.  Pax  enim  et  concordia  cum  hominibus  ex  illo  fonte  manat.  Divitias  certitudinis  intelligentiae.  Quia  plerique  tenui  gustu  contenti,  nihil  praeter  confusam  et  evanidam  notitiam  habent,  nominatim  ponit  divitias  intelligentiae  quo  nomine  significat  plenam  et  luculentam  perceptionem.  Et  simul  admonet,  pro  intelligentiae  mensura  etiam  in  caritate  proficiendum  esse.  Nomine  certitudinis  fidem  ab  opinione  discernit.  Is  enim  vere  demum  cognoscit  Deum,  qui  non  vacillat  dubitatione  aut  nutat:  sed  qui  stat  in  firma  constantique  persuasione.  Hanc  constantiam  et  stabilitatem  Paulus  saepius  TuX^pocpopcav  vocat:  quo  etiam  nomine  hic  utitur  et  cum  fide  perpetuo  coniungit:  ut  certe  non  potest  ab  ea  magis  avelli  quam  a  sole  calor  aut  lumen.  Diabolicum  igitur  scholasticorum  dogma,  quod  sublata  certitudine,  coniecturam  moralem  (quam  appellant)  in  illius  locum  substituit.  In  agnitionem  mysterii.  Hoc  membrum  appositive  legendum  est.  Nam  exponit  quae  sit  illa  scientia  cuius  meminit:  nempe  aliud  non  esse  quam  evangelii  cognitionem.  Venditant  enim  et  pseudoapostoli  suas  imposturas  sapientiae  titulo.  Sed  Paulus  filios  Dei  in  solo  evangelio  retinet,  ne  quid  aliud  scire  appetant.  Cur  pro  evangelio  ponat  mysterii  nomen,  iam  dictum  est.  Verum  hinc  dis��  eamus,  sola  fide,  non  ratione,  nec  perspicacia  humanae  mentis,  evangelium  posse  capi  :  quia  alioqui  res  est  a  nobis  abscondita.  Mysterium  Dei  passive  interpretor,  in  quo  revelatur  Deus.  Nam  continuo  adiungit,  et  patris,  et  Christi:  qua  particula  significat  non  posse  Deum  cognosci,  nisi  in  Christo  :  sicuti  rursus  necesse  est  patrem  cognosci  ubi  Christus  cognoscitur.  Utrumque  enim  affirmat  Iohannes  (1.  Ep.  2,  23),  Qui  habet  filium,  habet  et  patrem:  qui  non  habet  filium,  neque  patrem  habet.  Ergo  quicunque  extra  Christum  aliquid  de  Deo  scire  se  putant,  idolum  sibi  fingunt  Dei  loco.  Sicuti  etiam  e  converso  Christum  ignorat,  qui  non  perducitur  per  *)  Haec  tam  1551  addita  fuere.  Princeps  simpliciter:  Ergo  non  praeposterum  studium  .  .  .  .  accidit.