51:99  99  SERMONS  100  comme  une  offrande.  Et  cependant  pour  prendre  meilleur  courage  sainct  Paul  dit  que  nous  semons  en  faisant  ainsi.  Or  Dieu  ne  permettra  *point  que  nous  soyons  frustrez  apres  que  nous  aurons  tasche  de  nous  employer  ou  il  nous  commande.  Il  nous  semble  bien  que  tout  est  perdu,  sinon  que  chacun  cerche  son  profit  et  soit  du  tout  addonne  a  sa  personne:  mais  c'est  tout  l'opposite:  car  combien  que  celuy  qui  secourt  a  son  prochain  se  despouille  de  ce  qu'il  donne,  il  le  met  en  bonne  garde,  comme  celuy  qui  iette  sa  semence  en  terre,  c'est  pour  en  recueillir  le  fruict  en  saison  opportune.  Au  contraire,  voici  comme  tout  pourra  perir,  c'est  que  si  nous  sommes  par  trop  attentifs  a  nous  enrichir  en  ce  monde,  si  nous  n'avons  esgard  ou  soing  qu'a  faire  nostre  profit,  nous  recueillirons  corruption:  c'est  a  dire  que  tout  perira,  comme  il  faut  que  ce  monde  passe  et  s'esvanouisse  avec  sa  figure.  Voila  donc  tout  le  thresor  que  pourront  amasser  ceux  qui  s'estudient  a  faire  leur  profit  en  ce  monde:  car  comme  leur  vie  est  transitoire  et  caduque,  aussi  sont  tous  les  biens  qu'ils  auront  entassez,  et  tout  s'en  ira  comme  en  pourriture:  mais  si  nous  pouvons  estre  despouillez  des  solicitudes  terriennes,  et  regarder  au  royaume  de  Dieu,  combien  qu'il  semble  qu'en  bien  faisant  nous  sommes  diminuez  et  appouris,  si  est-ce  que  ce  thresor  ne  perira  point:  et  sera  bien  garde  en  la  main  de  Dieu  iusques  au  dernier  iour:  mais  pour  ce  que  le  diable  nous  presente  beaucoup  d'occasions  pour  nous  refroidir,  ou  pour  nous  faire  tourner  bride  en  arriere,  sainct  Paul  adiouste  ici  un  advertissement  bien  necessaire:  c'est  de  ne  point  nous  lasser  en  bien  faisant.  Et  puis  il  adiouste  qu'il  nous  faut  estre  patiens,  attendans  le  temps  opportun  de  recueillir.  Quand  donc  il  dit  qu'il  ne  nous  faut  point  lasser,  c'est  a  cause  que  ceux,  qui  auront  quelque  bonne  affection  et  desir  de  bien  faire,  seront  retardez  par  les  astuces  de  Satan  et  par  plusieurs  difficultez  et  obstacles  qu'il  leur  mettra  au  chemin.  Si  quelqu'un  se  pourmeine  pour  son  plaisir,  il  ne  le  faut  point  exhorter  qu'il  ne  se  lasse  point.  Et  pourquoy?  Il  choisit  quelque  beau  chemin  batu,  et  puis  il  tient  mesure:  il  va  tout  a  Paise,  car  il  n'est  point  contraint  de  faire  tant  de  lieues  par  iour:  mais  il  retourne  quand  le  chemin  ne  luy  va  plus  a  gre.  Il  faut  donc  que  ceste  exhortation  s'addresse  a  ceux  qui  ont  longues  iournees  a  faire,  et  non  seulement  une  ou  deux,  mais  qu'il  faut  qu'ils  continuent.  Ils  auront  mauvais  passages,  ils  auront  un  chemin  pierreux,  et  raboteux,  ou  plein  de  fanges,  ils  auront  montagnes  et  vallees  :  ceux-la  ont  besoin  d'estre  piquez  a  fin  de  se  fortifier  et  prendre  le  irein  aux  dents  (comme  on  dit)  pour  n'estre  point  lassez  et  defaillir  au  milieu  du  chemin.  Ainsi  en  est-il  de  nous,  quand  Dieu  nous  aura  touche  par