50:99  99  EPIST.  PAULI  AD  CORINTHIOS  II  100  bonorum  omnium  dominio  se  abdicavit,  ut  nos  sua  inopia  locupletaret.  Non  exprimit  deinde  quorsum  id  commemoret,  sed  considerandum  illis  relinquit.  Neminem  enim  latet,  hoc  exemplo  nos  ad  beneficentiam  incitari,  ne  parcamus  ipsi  nobis,  quum  fratribus  subveniendum  est.  Dives  erat  Christus  quia  Deus,  sub  cuius  manu  et  potestate  sunt  omnia:  deinde  in  humanitate  etiam  nostra,  quam  induit,  teste  apostolo  (Heb.  1,  2.  13),  haeres  universorum,  ut  qui  super  omnes  creaturas  esset  a  patre  constitutus  et  cuius  pedibus  omnia  essent  subiecta.  Pauper  autem  factus  est,  quod  possessione  abstinuit:  atque  ita  iure  suo  cessit  ad  tempus.  Videmus  quanta  eum  egestas  rerumque  omnium  penuria  excipiat  statim  a  matris  utero.  Audimus  quid  ipse  dicat  (Luc.  9,  58):  Vulpes  foveas  habent,  volucres  coeli  nidos  .'^filius  hominis  non  habet  ubi  reclinet  caput.  Ergo  paupertatem  in  se  ipso  consecravit,  ne  ipsam  amplius  horreant  fideles  sua  paupertate1):  nos  ideo  omnes  ditavit,  ne  durum  sit  nobis  detrahere  ex  nostra  abundantia  quod  in  fratres  erogemus.  10.  Et  consilium  in  hoc  do.  Consilium  hoc  imperio  opponit,  de  quo  nuper  loquutus  fuerat:  ac  si  diceret:  tantum  consulendi  vel  admonendi  causa  ostendo  quid  expediat.  Porro  haec  utilitas  non  perspicitur  sensu  carnis.  Quotus  enim  quisque  est,  cui  persuadeatur  utile  sibi  esse  spoliari,  quo  aliis  succurrat?  Est  quidem  vox  hominis  ethnici:  Quas  dederis,  solas  semper  habebis  opes:  sed  ratio  est,  quod  locatur  extra  fortunam  quidquid  amicis  donatur.  Atqui  Dominus  non  spe  praemii  nos  duci  vult,  aut  mutuae  compensationis:  verum  etiam  si  ingrati  sint  homines,  ut  perditum  videri  possit  quidquid  damus:  vult  tamen  nos  in  beneficentia  pergere.  Verum  inde  utilitas,  quod  qui  pauperi  erogat,  foeneratur  Domino,  inquit  Salomon  (Prov.  19,  17):  cuius  sola  benedictio  pluris  centuplo  aestimanda  est  quam  omnes  mundi  thesauri.  Quamquam  utile  hic  partim  capitur  pro  honesto,  vel  saltem  utile  honestate  metitur  Paulus  :  quia  turpe  fuisset  Corinthiis  retrocedere,  aut  deficere  in  medio  cursu,  quum  iam  aliquousque  progressi  forent.  Inutile  tamen  etiam  fuisset,  quia  coram  Deo  gratiam  perdidisset  quidquid  aggressi  erant  facere.  Qui  quidem  non  solum  facere.  Quum  facere  plus  sit  quam  velle,  impropria  videtur  loquutio.  Sed  velle  hoc  loco  non  simpliciter  accipitur  (ut  vulgo  solemus  loqui),  sed  notationem  habet  spontaneae  alacritatis,  quae  monitorem  non  exspectat.  Tres  enim  sunt  agendi  gradus,  ut  ita  loquar.  Agimus  enim  interdum  inviti,  sed  pudore  vel  metu  :  agimus  voluntarie,  sed  aliunde  tamen  vel  impulsi  vel  inducti:  agimus  proprio  instinctu,  quum  sponte  occu-  0  fideles.  Sua  paupertate  nos