44:99  99  IN  HAGGABUM  ioa  plum  instar  tugurii  esse,  ideo  cessabat  omne  studium  :  quia  sine  promissione,  quemadmodum  diximus,  nullus  erit  iu  hominibus  fervor,  nulla  etiam  constantia.  Iam  scimus  quid  praedictum  esset  ab  Ezechiele,  quid  etiam  alii  omnes  prophetae  testati  essent:  praesertim  Iesaias  magnifice  concionatur  de  ecclesiae  excellentia,  et  ostendit  superiorem  fore  antiquo  statu.  Deinde  Ezechiel  imaginem  templi  depingit,  et  enumerat  etiam  illius  dimensiones.  Quum  ergo  vaticiniis  edocti  essent  fideles,  templum  novum  fore  splendidius  antiquo,  poterant  non  modo  refrigescere,  sed  prorsus  exanimari,  quum  cernerent  templum  novum  minime  accedere  ad  veteris  excellentiam  et  dignitatem.  Et  haec  scribuntur  fusius  a  Iosepho.  Caeterum  ex  prophetae  verbis  colligere  promptum  est,  fuisse  tunc  periculum  ne  opus  inchoatum  abiicerent,  nisi  fuissent  nova  ista  exhortatione  confirmati.  Dicit  autem  hoc  factum  fuisse  mense  septimo,  et  primo  die  mensis.  Hic  exoritur  quaestio,  qui  fieri  potuerit  ut  tam  subito  contulerint  novam  structuram  cum  antiqua.  Viginti  septem  aut  viginti  octo  dies  praeterierant  ab  initio  operis:  certe  nihil  tunc  potuit  confici  quod  praeberet  aliquam  speciem.  Videtur  ergo  hoc  esse  absurdum,  quod  tam  repente  missus  fuerit  propheta.  Solutio  facilis  erit,  si  memoria  tenemus  quod  principio  primi  capitis  dixi,  nempe  prius  iacta  fuisse  templi  fundamenta,  sed  fuisse  interruptionem  longam  :  quia  defluxerat  populus  ad  privata  negotia,  et  quisque  sic  addictus  fuerat  suis  commodis,  ut  interea  negligerent  templi  aedificium.  Nam  omnino  delirium  illud  est,  populum  reversum  fuisse  ab  exsilio  ante  legitimum  tempus,  et  satis  refutatum  fuit  claris  testimoniis,  quia  scriptura  diserte  exprimit,  tam  Cyrum  quam  Darium  fuisse  divinitus  impulsos,  ut  permitterent  reditum  populo.  Quum  ergo  reversi  in  patriam  essent  Iudaei,  iam  coeperunt  templum  aedificare  :  sed  postea,  ut  dixi,  eos  abripuerat,  vel  avaritia,  vel  nimia  sollicitudo  privatae  utilitatis.  Quum  ergo  neglectum  ad  tempus  fuisset  templi  aedificium,  rursus  fuerunt  animandi,  quod  factum  esse  nuper  propheta  docuit.  Iam  vix  manus  applicarant  operi,  quum  obrepsit  illo  artificio  Satan,  Quid  proficitis  miseri?  Vultis  exstruere  templum  Deo  vestro:  quale  autem  erit  illud  templum?  certe  non  illud  quod  celebrarunt  omnes  prophetae.  Quid  enim  legimus  apud  Iesaiam,  Ieremiam  et  Ezechielem?  Nonne  illi  omnes  testati  sunt  longe  splendidius  fore  illud  templum,  quod  renovaretur  postquam  essemus  reversi  ab  exsilio  babylonico?  nunc  autem  exstruimus  tugurium:  certe  hoc  fit  temere.  Non  ergo  hic  militamus  sub  Dei  auspiciis:  et  satius  est  relinquere  hoc  opus  :  quia  Deo  non  probabitur  cultus  noster,  nisi  fundatus  sit  in  eius  verbo.  Videmus  autem  quam  longe  distet  hoc  templum  a  promissione  Dei.  Nos  vero  hinc  colligimus  non  abs  re