35:99  99  SERMON  CXXVI  100  pour  nous  enyvrer,  mais  que  nous  soyons  certifiez  de  la  bonte  de  Dieu.  Et  c'est  encores  un  article  que  nous  devons  bien  noter.  Nous  voyons  comme  les  hommes  taschent  de  se  resiouir,  c'est  assavoir  en  oubliant  Dieu:  car  il  leur  semble  que  c'est  melancholie  que  d'y  penser.  Et  defait,  combien  y  en  a-il  qui  se  diront  assez  Chrestiens,  et  toutes  fois  quand  ils  se  veulent  resiouir  il  faut  qu'ils  chassent  toute  pensee  de  Dieu,  et  de  la  vie  eternelle  :  et  non  seulement  cela,  mais  qu'ils  despitent  Dieu  comme  de  propos  delibere.  Et  pourquoi?  Ils  ne  se  peuvent  resiouir  qu'en  mal-faisant.  Voyans  donc  le  naturel  des  hommes  estre  tel,  et  que  nous  serions  entachez  de  la  mesme  maladie,  regardons  a  nous:  et  pensons  bien  que  nostre  ioye  ne  sera  point  benite  d'enhaut,  sinon  que  nous  soyons  certifiez  de  la  remission  de  nos  pechez.  Si  donc  nous  avons  Dieu  propice  afin  de  le  pouvoir  invoquer  (comme  Eliu  adioustera  tantost)  voila  ou  consiste  nostre  vraye  ioye,  et  que  Dieu  approuve,  et  qui  est  permanente,  et  nous  conduira  a.  salut.  Mais  cependant  que  nous  ne  savons  comment  c'est  que  nous  en  sommes  avec  Dieu,  et  que  nous  ne  cerchons  point  d'estre  reconciliez  avec  luy,  et  que  nous  demeurons  la  croupissans  en  nos  ordures:  d'autant  plus  que  nous  desirons  a  nous  esiouir,  c'est  pour  enflammer  la  vengeance  de  Dieu  contre  nous:  c'est  pour  augmenter  tousiours  le  feu  de  son  ire:  e'est  pour  nous  plonger  d'autant  plus  profond  aux  abysmes.  Voici  donc  une  chose  plus  qu'utile,  quand  il  nous  est  monstre  que  pour  estre  restaurez,  ii  faut  que  nous  ayons  certitude  que  Dieu  nous  est  propice.  Et  voila  pourquoy  aussi  l'Escriture  saincte  nous  ramene  tousiours  la,  quand  il  est  question  de  nous  donner  ioye  et  de  nous  esiouir,  qu'elle  nous  propose  la  grace  de  Dieu,  Voici  vostre  Dieu  qui  vous  est  propice,  esiouissez-vous  :  voici  vostre  Redempteur  qui  vous  cerche  pour  vous  conioindre  et  unir  a  Dieu  son  Pere,  resiouissez-vous,  soyez  paisibles,  ayez  repos  en  vos  consciences.  Par  cela  nous  sommes  admonestez,  qu'il  faut  que  nous  soyons  en  trouble  et  inquietude,  cependant  que  nous  ne  savons  ou  nous  en  sommes  avec  Dieu.  Il  est  vray  que  les  meschans  cercheront  assez  de  s'esiouir,  et  defait  ils  s'esgayent  (comme  on  voit)  en  despitant  Dieu:  mais  quoi  qu'il  en  soit,  si  est-ce  que  Dieu  leur  envoye  des  pointures  qui  les  tormentent  tellement,  qu'ils  sont  la  enserrez,  et  s'ils  sautent,  c'est  a  la  facon  qui  est  dite  en  Moyse,  que  neantmoins  tousiours  le  peche  est  a  la  porte,  qu'il  tient  la  bon  comme  un  chien  qui  attend  son  homme.  Voila  donc  les  meschans  qui  se  pourront  esgarer:  mais  tant  y  a  qu'ils  ne  peuvent  sortir  qu'ils  ne  soyent  rongez  en  leur  conscience,  et  faut  que  Dieu  les  tiene  la  enserrez.  D'autant  plus  donc  devons  nous  penser  a  ceste  doctrine,  c'est  assavoir  de  ne