27:99  99  SERMON  LXXVI.  100  moy.  Ici  donc  nous  voyons  comme  Dieu  previent  tous  merites:  c'est  qu'il  ne  regarde  pas  que  nous  ayons  desservi:  mais  voyant  que  nous  sommes  miserables,  desnuez  de  tout  bien,  et  qu'il  ne  trouve  en  nous  que  fautes,  par  lesquelles  nous  meritons  d'estre  reiettez:  neantmoins  par  sa  misericorde  infinie  il  s'oblige  a  nous,  et  declaire  qu'il  nous  veut  bien  faire,  comme  si  nous  l'avions  loyaument  servi.  Voila  pour  un  item.  Et  cependant  il  ne  laisse  pas  de  dire:  Faitez  ce  que  ie  vous  ay  commande,  afin  que  vous  iouissiez  des  biens  que  ie  vous  ay  promis.  La  raison?  C'est  qu'il  ne  veut  point  qu'on  se  mocque  de  sa  bonte:  s'il  est  liberal,  il  ne  veut  point  qu'on  abuse  de  cela,  comme  les  hommes  ont  accoustume  d'en  faire:  quand  il  nous  est  monstre  que  tout  ce  que  nous  recevons  de  la  main  de  Dieu  est  un  don  pur  et  gratuit,  il  nous  semble  que  nous  avons  conge  de  mal  faire,  et  vivre  chacun  a  son  appetit,  et  que  c'est  tout  un.  Or  Dieu  ne  veut  pas  que  sa  liberalite  soit  ainsi  profanee.  Car  c'est  a  une  autre  fin  et  but,  quand  il  se  monstre  ainsi  favorable  envers  nous:  c'est  que  nous  soyons  incitez  a  une  amour  mutuelle  envers  luy,  d'autant  que  nous  le  voyons  estre  un  si  bon  pere,  que  nous  luy  respondions  de  mesmes,  et  que  nous  soyons  ses  enfans.  C'est  ce  qui  nous  est  ici  monstre  par  Moyse  quand  il  dit:  Advisez  d'obeir  a  vostre  Dieu,  voire  pour  posseder  la  terre  laquelle  il  a  promise  a  vos  peres.  Car  d'un  coste  il  monstre  que  c'est  un  heritage  gratuit  que  la  terre  de  Canaan  :  mais  si  ne  laisse-il  pas  d'advertir  le  peuple  qu'il  ne  doit  pas  se  iouer  avec  Dieu,  abusant  d'une  telle  liberalite  :  mais  qu'il  doit  estre  tant  mieux  retenu  en  son  amour  et  en  sa  crainte,  quand  il  voit  que  Dieu  a  ainsi  espandu  les  grandes  richesses  de  sa  misericorde:  que  cela  le  doit  enflammer  pour  dire:  Adonnons-nous  pleinement  a  nostre  Dieu,  puis  qu'ainsi  est  qu'il  nous  a  cherche  du  temps  que  nous  estions  eslongnez  de  luy,  puis  qu'il  nous  a  prevenus  par  sa  bonte,  ne  regardant  point  dequoy  nous  estions  dignes:  mais  qu'il  a  prins  en  soy  occasion  de  nous  bien  faire.  Que  cela  donc  nous  enflamme  tant  plus  le  desir  de  nous  ranger  sous  sa  main  et  sous  sa  volonte.  Touchant  de  ce  que  Moyse  ne  parle  sinon  de  la  terre  de  Canaan,  et  des  fruits  que  le  peuple  y  devoit  recueillir  pour  estre  nourri  et  substante:  ce  n'est  pas  que  Dieu  n'ait  voulu  mener  les  fideles  plus  loin  alors.  Car  il  est  certain  qu'ils  ont  eu  la  promesse  de  vie,  telle  que  auiourd'huy  elle  est  contenue  en  l'Evangile:  c'est  un  blaspheme  execrable  contre  Dieu,  si  on  dit  que  Dieu  a  tenu  le  peuple  ancien  comme  des  porceaux  en  l'auge,  et  qu'eux  n'ont  eu  que  ie  ne  say  quelle  figure  presente  des  biens  spirituels  qui  auiourd'huy  nous  sont  donnez.  Comme  ce  miserable  qui  a  este  ici  puni,  ainsi  qu'il  a  tout  per-