21:99  99  VIE  DE  CALVIN  100  [h  4]  Adonc  *)  voyant  que  la  courte  halaine  le  pressoit  de  plus  en  plus,  il  envoya  vers  Messieurs  les  quatre  Syndiques  et  tout  le  petit  Conseil  ordinaire  qu'on  appelle,  pour  les  advertir  qu'il  desiroit  fort  de  parler  encores  une  fois  a  eux  en  leur  Conseil,  et  qu'a  ceste  fin  il  s'y  feroit  porter  le  ieudi  suivant,  qui  estoit  le  27  dudit  mois,  pour  les  voir  la  tous  ensemble.  Les  bons  Seigneurs  firent  response,  qu'a  cause  de  la  debilite  et  indisposition  si  grande,  ils  le  prioyent  bien  fort  de  ne  prendre  point  ceste  peine,  mais  qu'eux-mesmes  tous  ensemble  Tiroyent  voir.  Ce  qu'ils  firent  aussi  le  ieudi  matin,  partans  de  leur  chambre  du  Conseil,  et  allans  selon  leur  ordre  accoustume  iusques  en  son  logis.  Eux  donc  estans  entrez  en  sa  chambre,  et  s'estans  assis  apres  l'avoir  salue,  et  luy  eux  mutuellement:  en  premier  lieu  il  les  remercia  de  la  peine  qu'il  leur  avoit  pleu  prendre  de  se  transporter  vers  luy,  combien  que  son  desir  eust  este  de  se  faire  porter  en  leur  maison  de  ville.  Puis  il  leur  declara,  qu'il  avoit  tousiours  desire  de  parler  a  eux  encore  une  fois,  et  combien  que  par  ci  devant  il  se  fust  trouve  souvent  bien  bas,  toutesfois  il  ne  s'estoit  point  voulu  haster,  d'autant  que  Dieu  ne  lui  donnoit  pas  advertissemens  de  son  departement2)  si  precisement  qu'il  fait  maintenant.  Apres  ceste  preface,  il  les  remercia  de  ce  qu'il  leur  avoit  pleu  lui  faire  plus  d'honneur  qu'il  ne  lui  appartenoit,  et  le  supporter  en  plusieurs  endroits,  Comme  (disoit-il)  ie  scay  bien  que  i'en  ay  eu  besoin:  protestant  qu'en  cela  il  se  tenoit  d'autant  plus  oblige  a  eux  de  ce  que  tousiours  ils  lui  avoyent  monstre  tel  signe  d'amitie,  que  ils  ne  pouvoyent  mieux  faire.  Et  combien  que  cependant  qu'il  avoit  este  ici  il  [h  5]  eust  eu  plusieurs  combats  et  fascheries,  comme  aussi  il  faut  que  toutes  gens  de  bien  soyent  exercez,  que  toutesfois  cela  n'estoit  pas  venu  desdits  Seigneurs.  Outreplus  il  les  pria,  que  s'il  n'avoit  fait  ce  qu'il  devoit,  il  leur  pleust  de  prendre  le  vouloir  pour  l'effect:  car  il  avoit  desire  le  bien  de  ceste  ville,  et  l'avoit  procure,  mais  qu'il  s'en  faloit  beaucoup  qu'il  s'en  fust  acquitte.  Vray  est  qu'il  ne  nioit  pas  que  en  ce  peu  qu'il  avoit  fait,  Dieu  s'estoit  servi  de  luy,  et  que  s'il  disoit  autrement,  il  seroit  hypocrite.  Et  pria  derechef  d'estre  excuse  de  ce  qu'il  avoit  fait  si  peu  au  pris  de  ce  qu'il  devoit,  tant  en  public  que  en  particulier:  estimant  que  lesdits  Seigneurs  l'avoyent  supporte  en  ses  affections  trop  vehementes  esquelles  il  se  desplaist,  s'asseurant  que  Dieu  aussi  les  lui  a  pardonnees.  Il  dit  aussi  qu'il  protestoit  devant  Dieu  et  eux,  qu'il  avoit  porte  purement  la  parole  que  Dieu  luy  avoit  commise,  s'asseurant  de  n'avoir  point  chemine  a  l'aventure,  ni  en  erreur,  et  qu'autrement  il  attendroit  1)  Premiere  redaction  p.  52.  2)  depart  F.