10.1:99  OEDONNANCES.  l'honneur  de  Dieu,  Pavancernent  de  sa  Parole,  ni  le  bien  de  tous.  Selon  qu'il  aura  trouve,  qu'il  en  face  le  rapport  a  la  congregation:  afin  que  s'il  y  avoit  quelque  faute  au  frere  dont  il  sera  question,  laquelle  ne  merite  point  plus  grande  correction  que  de  parole,  qu'il  en  soit  admoneste  selon  la  coustume.  S'il  y  avoit  offense  plus  grieve  qui  ne  deust  point  estre  supportee,  qu'on  y  procede  a  la  forme  des  articles  qui  sont  passez:  assavoir  que  lesdicts  quatre  deputez  nous  rapportent  l'affaire,  afin  d'y  proceder  comme  de  raison.  Que  ceste  visitation  n'emporte  aucune  cognoissance  de  cause,  ni  espece  de  iurisdiction,  mais  que  ce  soit  seulement  un  remede  pour  obvier  a  tous  scandales  :  et  sur  tout  que  les  Ministres  ne  s'abastardissent  point  et  ne  se  corrompent.  Aussi  qu'elle  n'empesche  point  en  sorte  que  ce  soit  le  cours  de  la  Iustice,  et  n'exempte  point  les  Ministres  [page  15]  de  la  subiection  commune,  qu'ils  ne  respondent  es  causes  civiles,  comme  un  chacun  devant  la  Iustice  ordinaire  :  qu'aussi  pour  crimes  on  n'enquiere  sur  leurs  personnes  et  qu'ils  ne  soyent  punis  quand  ils  auroyent  offense.  Et  en  somme,  que  leur  condition  demeure  pour  l'advenir  telle  qu'elle  est  de  present.  Quant  au  nombre,  lieu  et  temps  des  predications,  qu'il  y  soit  avise  selon  l'exigence  des  temps.  Mais  que  le  Dimanche  pour  le  moins  il  y  ait  sermon  au  poinct  du  iour  a  sainct  Pierre  et  a  sainct  Gervais,  et  a  l'heure  accoustumee  audiet  sainct  Pierre,  a  la  Magdalene,  et  a  sainct  Gervais.  A  midi,  qu'il  y  ait  Catechisme,  c'est  a  dire  instruction  des  petits  enfans  en  tous  les  trois  temples,  assavoir  de  sainct  Pierre,  la  Magdalene  et  sainct  Gervais.  A  trois  heures,  aussi  bien  en  toutes  les  trois  parroisses.  Les  iours  ouvriers  qu'il  y  ait  presche  tous  les  iours  es  trois  parroisses,  sainct  Pierre,  la  Magdalene  et  sainct  Gervais  a  une  mesme  heure:  assavoir,  d'este  depuis  Pasques  iusques  au  premier  d'Octobre,  des  six  heures  iusques  a  sept  et  d'hyver,  des  sept  iusques  a  huict.  Mais  que  les  prieres  soyent  faites  specialement  le  iour  du  Mercredi,  sinon  que  ci  apres  fust  establi  autre  iour  selon  l'opportunite  du  temps.  Outre  lesdites  predications,  qu'on  presche  trois  fois  la  sepmaine  de  matin  a,  sainct  Pierre:  assavoir  le  [page  16]  Lundi,  Mercredi  et  Vendredi:  et