9:98  terrarum  plagis  suavissimo  suo  odore  robur  et  vigorem  inspirat  fidelibus  animis,  quam  Deum  ipsum  et  angelos  in  coelo  oblectat?  Ecce  repente  sublato  summae  spei  rege,  evertitur  quod  surgere  coeperat  pietatis  aedificium,  Satan  cum  [pag.  120]  suis  de  exstincta  piae  doctrinae  luce  triumphum  agit,  horrendum  in  modum  saevitur  in  Dei  filios,  insignes  viri  ubi  ad  ignem  tracti  sunt,  invicta  constantia  quam  amplexi  erant  veritatem  obsignant:  Ioachimus  non  modo  contra  afflictam  filiam  Zion  cum  ludibrio  linguam  exserit,  sed  petulanter  etiam  conceptam  spem  felicioris  eventus  exagitat.  Hoc  unum  specimen  lectoribus,  ut  spero,  ad  aestimandum  hominis  ingenium  sufficiet.  Sed  non  sine  causa  stomachari  se  dicit,  quum  libri  nostri  passim  volitent.  Oppugnet  igitur  si  quid  reprehensione  dignum  inveniat.  Respondebimus:  penes  ecclesiam  erit  iudicium.  Hanc  vero  legem  se  respuere  non  dissimulat,  quia  magis  compendiosum  videtur,  libros  omnes  igne  absumere,  ne  quid  molestiae  facessant.  Nihil  enim  magis  odiosum  deligere  potuit,  quam  quod  nos  ad  disputationem  offerimus,  et  in  disputationem  trahi  volumus  doctrinam,  cui  omnes  sine  controversia  vult  esse  astrictos.  Ubi  nunc  generosus  ille  et  indefessus  Christi  athleta,  qui  sua  certamina  tam  liberaliter  alibi  praedicat?  Nos  ad  rationem  reddendam  parati  descendimus,  ac  suppliciter  petimus  audiri,  [pag.  121]  Summa  votorum  nostrorum  est,  ut  iudicium  fiat  ex  verbo  Domini.  Non  tantum  excludimur,  sed  etiam  barbare  exprobrat  Westphalus,  nihil  magis  iniquum  esse,  quam  de  doctrina  disputari  tanto  consensu  recepta.  Maiorene  quam  transsubstantiatio,  missae  sacrificium,  et  prohibitio  calicis?  Ergo  si  obtineat  Westphali  censura,  non  sine  sacrilega  audacia  Lutherus  figmenta  illa,  quae  totius  fere  mundi  suffragiis  recepta  erant,  convellere  ausus  est.  Panem  esse  substantialiter  Christi  corpus  recens  placitum  est,  et  antehac  inauditum.  Nam  catholicae  ecclesiae  consensum  iactando,  Westphalus  nugatur.  Hoc  tamen  quia  mordicus  tenendum  quidam  eius  sodales  censuerunt,  syncretismum  hunc  abunde  sufficere  putat,  ne  qua  admittatur  disceptatio.  Eidicule  sane,l)  donec  suos  gregales  Papae  dedititios  tradiderit.  Nam  si  consensu  gloriandum  est,  uter  quaeso  plus  habet  coloris?  Papane,  qui  magnam  Europae  partem  ita  sibi  devinctam  tenet,  ut  contra  mutire  nemo  ausit:  an  Westphalus,  qui  nescio  cuius  umbellae  obiectu  lucem  fugitat?  Hic  omnes  Dei  filios  appello,  quos  scriptura  mansuetudinis  et  obedientiae  spiritu  praeditos  esse  affirmat,  [pag.  122J  Petimus  tam  a  Westphalo  quam  a  papa  audientiam:  negat  11  Mais  c'est  moquerie  et  n'y  a  apparence  aucune  h  ceste  procedure  etc.  7