58:98  Que  c'est  d'autant  qu'Abraham  a  obei  a  la  voix  de  Dieu.  Il  sembleroit  ici  que  Dieu  attribuast  l'accomplissement  de  ses  promesses  a  la  vertu  d'Abraham  et  a  ses  merites  :  mais  nous  avons  desia  declare  que  ceci  ne  peut,  et  ne  doit  estre  entendu,  comme  si  l'obeissance  qu'Abraham  a  rendue  a  Dieu,  avoit  este  la  cause  pourquoy  il  lui  avoit  tenu  ce  qu'il  lui  avoit  dit:  car  nous  avons  monstre  que  tout  a  este  gratuit  en  Dieu.  Quand  il  a  retire  Abraham  de  l'idolatrie  ou  il  estoit,  qu'est-ce  qui  l'a  esmeu  a  ce  faire?  (comme  il  est  remonstre  par  Iosue.)  Apres,  quand  il  a  entretenu  Abraham  iusqu'a,  la  fin,  ce  n'est  pas  pource  qu'il  lui  ait  obei  :  car  aucontraire  il  lui  avoit  desia  dit  long  temps  auparavant,  Ie  te  beniray,  ie  seray  avec  toy,  ie  suis  ton  loier  tresample:  ta  semence  sera  multipliee  comme  les  estoilles  du  ciel,  et  en  icelle  toutes  nations  de  ^a  terre  seront  benites.  Tout  cela  avoit  este  dit  a.  Abraham  avant  qu'Isaac  fust  nay:  et  quand  Abraham  a  voulu  sacrifier  son  fils  Isaac,  il  lui  est  dit,  Pource  que  tu  n'as  point  espargne  ton  fils  unique:  mais  as  este  prest  de  le  sacrifier  pour  l'amour  de  moy,  voici,  ie  te  beniray,  et  cela  lui  avoit  este  desia  dit  auparavant.  Nous  voions  donc  que  ce  qui  est  gratuit  en  Dieu,  et  ce  qu'il  nous  donne  par  sa  pure  liberalite,  il  l'attribue  au  service  que  nous  lui  rendons  :  non  pas  pour  nous  donner  matiere  d'orgueil,  mais  c'est  seulement  pour  nous  inciter  tant  plus  a  le  servir  de  bon  courage  et  allegre.  Voila  donc  l'intention  de  Dieu:  ce  n'est  pas  pour  se  despouiller  de  la  louange  qui  lui  est  deue,  afin  que  les  hommes  l'usurpent,  mais  c'est  pour  ce  qu'il  cognoist  qu'ils  ont  besoin  d'estre  piquez,  et  d'avoir  des  aides,  et  des  instrumens  pour  se  servir:  autrement  qu'ils  seroient  froids  et  lasches.  Ceux  donc  qui  cerchent  ici  des  merites,  et  qui  voudroient  obscurcir  la  louange  de  la  pure  bonte  de  Dieu,  pour  exalter  les  hommes,  comme  s'ils  estoient  cause  de  leur  salut,  il  est  certain  qu'ils  pervertissent  tout,  et  qu'ils  renversent  mesme  l'intention  de  Dieu,  entant  qu'en  eux  est.  Ainsi  apprenons,  quand  il  est  dit  que  Dieu  ratifiera  son  serment  envers  Isaac,  pour  ce  qu'Abraham  avoit  obei  a  sa  voix  que  ce  n'est  point  pour  noter  la  cause  pourquoy:  mais  c'est  seulement  pour  monstrer  que  le  service  qu'Abraham  lui  a  rendu,  lui  a  este  agreable,  afin  qu'Isaac  l'ensuive,  et  qu'il  s'y  conforme.  En  cela  donc  nous  avons  a  nous  inciter  toutesfois  et  quantes  que  nous  sentirons  quelque  tardivete  en  nous,  et  que  nous  ne  serons  pas  disposez  comme  il  seroit  requis,  pour  nous  adonner  pleinement  a  l'obeissance  de  Dieu:  et  que  nous  pensions,  Comment?  Il  est  dit  que  quand  nous  lui  obeirons,  il  acceptera  cela  comme  sacrifice  de  bonne  odeur:  et  toutesfois  tout  ce  que  nous  faisons  n'est  rien,  il  n'y  a  nulle  valeur  en  nous:  cependant,  si  7  98