52:98  commemorat.  Porro  non  de  successu  tantum  loquitur  praedicationis  suae  (quamquam  in  eo  quoque  apparet  Dei  benedictio),  sed  etiam  de  efficacia  spiritus,  in  qua  se  evidenter  Deus  monstrabat.  Nam  suos  conatus  quum  humanum  modum  superaret,  merito  adscribit  Dei  potentiae,  quam  potenter  in  hac  parte  operantem  conspici  asserit.  CAPUT  II.  1.  Volo  autem  vos  scire  quantum  certamen  habeam  pro  vobis,  et  iis  qui  sunt  Laodiceae,  et  quicunque  non  viderunt  faciem  meam  in  carne:  2.  ut  consolationem  accipiant  corda  ipsorum,  ubi  compacti  fuerint  in  caritate,  et  in  omnes  divitias  certitudinis  intelligentiae,  in  agnitionem  mysterii  Dei,  et  patris,  et  Christi:  3.  in  quo  sunt  omnes  thesauri  sapientiae  et  intelligentiae  absconditi.  4.  Hoc  autem  dico,  ne  quis  vos  decipiat  persuasorio  sermone.  5.  Nam  etsi  corpore  sum  absens,  spiritu  tamen  sum  vobiscum,  gaudens  et  videns  ordinem  vestrum,  et  stabilitatem  vestrae  in  Christum  fidei.  1.  Volo  autem  vos  scire.  Amorem  erga  eos  suum  testatur,  quo  plus  fidei  habeat  et  autoritatis.  Libenter  enim  iis  credimus,  quos  scimus  salutis  nostrae  esse  studiosos.  Nec  vulgaris  amoris  signum  est,  quod  de  illis  erat  sollicitus  in  media  morte:  hoc  est,  quum  de  vita  periclitaretur.  Et  quo  studii  sui  et  curae  vehementiam  magis  exprimat,  vocat  certamen.  Non  reprehendo  quod  Erasmus  vertit  sollicitudinem.  Vis  tamen  verbi  graeci  observanda  est:  quia  ay  ponitur,  ubi  est  contentio.  Eodem  argumento  confirmat  suum  ministerium  ad  eos  spectare.  Nam  unde  tam  anxia  de  ipsorum  salute  cogitatio,  nisi  quia  gentium  apostolus  debuit  etiam  ignotos  amore  curaque  complecti?  Quia  autem  vulgo  nulla  dilectio  est  inter  ignotos,  extenuat  notitiam  quae  contrahitur  ex  adspectu,  quum  dicit,  quicunque  non  viderunt  faciem  meam  in  carne.  Est  enim  inter  Dei  servos  alius  adspectus  quam  carnis  qui  amorem  conciliet.  Quia  communi  fere  consensu  receptum  est,  priorem  ad  Timotheum  Laodiceae  fuisse  scriptam:  ideo  quidam  Galatiae  attribuunt  hanc  Laodiceam,  cuius  mentionem  facit  Paulus  :  quum  illa  metropolis  fuerit  Phrygiae  Pacatianae.  Verum  mihi  verisimilius  videtur,  mendosam  esse  illam  inscriptionem:  quemadmodum  suo  loco  annotabitur.  2.  Ut  consolationem.  Nunc  significat  quid  illis  desideret:  ac  ostendit,  vere  apostolicum  esse  suum  affectum.  Nihil  enim  aliud  sibi  cordi  esse  asserit  quam  ut  sint  colligati  in  fide  et  caritate.  Ergo  non  praepostero  studio  (ut  in  quibusdam  accidit)  se  impulsum  fuisse  demonstrat,  ut  tantam  Colossensium  et  7