51:98  Que  donc  nous  facions  tous  nos  efforts  pour  venir  a  luy,  que  nous  luy  soyons  pleinement  dediez,  et  que  nous*  quittions  tout  ce  qui  est  de  ce  monde  qui  nous  pourroit  empescher  de  venir  a  luy:  que  nous  quittions  donc  tout  cela,  cerchant  tousiours  ce  qui  nous  peut  conduire  la  haut,  et  que  nous  y  continuons  iusques  en  la  fin.  Or  quand  nous  en  ferons  ainsi,  il  est  certain  que  nostre  Seigneur  nous  monstrera  que  nous  avons  une  moisson  apprestee,  non  point  des  richesses  de  ce  monde  qui  sont  suiettes  a  pourrir:  comme  les  accoustremens  les  plus  precieux  et  les  plus  riches  de  ce  monde  seront  mangez  des  tignes  et  des  vers:  il  n'y  a  ni  or  ni  argent  ni  chose  quelconque  qui  ne  perisse  en  la  fin.  Et  puis  quand  les  hommes  en  voudront  prendre  outre  mesure,  ils  se  creveront  des  biens  qu'ils  auront  atnassez,  et  non  seulement  ils  leur  seront  inutiles  :  mais  ils  les  ruineront  du  tout.  Au  lieu  donc  de  cela  nous  trouverons  que  nous  aurons  fait  un  bon  thresor  qui  nous  sera  conserve  en  la  main  de  Dieu,  et  duquel  nous  recevrons  le  fruict  quand  nous  aurons  acheve  nostre  course  en  ce  monde,  et  que  nous  aurons  continue  a  faire  nos  semaiiles:  c'est  a  dire  que  nous  ne  nous  serons  point  lassez  de  servir  a  nostre  Dieu,  et  de  regarder  au  ciel  en  nous  retirant  de  ce  monde  tant  qu'il  nous  sera  possible.  Or  nous  nous  prosternerons  devant  la  maieste  de  nostre  bon  Dieu,  en  cognoissance  de  nos  fautes,  le  priant  qu'il  nous  les  face  tellement  sentir,  que  ce  soit  pour  nous  amener  a  une  vraye  repentance.  Et  que  nous  ne  laissions  pas  toutesfois  de  nous  consoler  et  resiouir  en  sa  bonte,  ne  doutans  point  qu'il  ne  nous  recoive  a  merci,  voire  quand  nous  aurons  nostre  recours  a  luy  pour  estre  reformez  par  son  sainct  Esprit,  iusques  a  ce  qu'il  nous  ait  despouillez  de  toutes  les  imperfections  et  vices  de  nostre  chair,  et  qu'il  nous  ait  renouvelez  a  son  image  pour  venir  a  ceste  perfection  de  iustice,  a  laquelle  nous  aspirons.  Ainsi  nous  dirons  tous,  Dieu  tout  puissant,  Pere  celeste,  etc.  QUARANTEUNIEME  SERMON.  GALATES.  Chap.  VI,  v.  9.11.  Nous  avons  veu  la  similitude  par  laquelle  sainct  Paul  nous  exhortoit  a  bien  faire  cependant  que  Dieu  nous  en  donne  l'opportunite  en  ce  monde:  car  nous  avons  ici  a  appliquer  ce  que  Dieu  nous  a  donne  au  service  et  de  luy  et  de  tous  les  siens,  Calvini  opera.  Vol.  LL  mesmes  en  general  de  tous  hommes:  car  selon  que  Dieu  distribue  quelque  faculte  ou  don  a  chacun  de  nous,  ii  l'oblige  envers  ceux  qui  ont  besoin  de  luy  et  ausquels  il  peut  aider:  il  nous  faut  donc  resoudre  en  cela,  que  nul  ne  soit  oisif  ou  inutile:  mais  que  nous  regardions  le  moyen  qui  nous  est  donne  de  Dieu,  a  fin  que  chacun  luy  en  face  7