50:98  piam  habeat,  et  quidem  egregiam,  qui  tamen  non  adeo  exercitatus  erit  in  verbo  Domini.  S  c  i  e  n  t  i  am  pro  usu  et  peritia,  vel  prudentia  accipio.  Caritatem  erga  se  commemorat,  ut  personae  quoque  suae  respectu  illis  addat  animos:  ac  interim  privatum  amorem,  quo  ipsos  prosequebantur,  in  publicam  fratrum  utilitatem  resignat.  Ita  vero  sibi  temperat  in  omnibus,  ne  adhortando  videatur  eos  accusare.  8.  Non  secundum  imperium  loquor,  sed  per  aliorum  sollicitudinem,  et  vestrae  dilectionis  sinceritatem  approbans.  9.  Nostis  enim  gratiam  Domini  nostri  Iesu  Christi,  quod  propter  vos  pauper  factus  sit,  quum  esset  dives:  tti  vos  illius  paupertate  ditesceretis.  10.  M  consilium  in  hoc  do.  Nam  hoc  vobis  conducit:  qui  quidem  non  solum  facere,  verum  etiam  velle  coepistis  anno  superiore,  l  l  .  Nunc  autem  etiam  illud,  quod  facere  coepistis,  perficite:  ut  quemadmodum  voluntas  prompta  fuit,  ita  et  perficiatis  ex  eo  quod  suppetit.  12.  Etenim  si  iam  adest  animi  promptitudo,  ea  iuxta  id  quod  quisque  possidet  accepta  est:  non  iuxta  id  quod  non  possidet.  8.  Non  secundum  imperium  loquor.  Iterum  exhortationem  suam  mitigat,  dum  testatur,  sibi  nequaquam  esse  in  animo  illos  velut  necessitate  imposita  cogere.  Id  enim  est  secundum  imperium  loqui,  quum  aliquid  certi  iniungimus:  et  praecise  exigimus  ut  fiat.  Quod  si  roget  quispiam:  annon  illi  praecipere  licebat  quod  habebat  ex  Domini  mandato?  Responsio  facilis  est,  Deum  quidem  ubique  mandare  ut  fratrum  necessitatibus  opitulemur  :  sed  nusquam  summam  praefigere,  ut  aestimatione  facta  inter  nos  et  pauperes  partiamur:  nusquam  nos  alligare  ad  temporum  aut  personarum  aut  locorum  circumstantias,  sed  nos  revocare  ad  regulam  caritatis.  Quamquam  non  respicit  hic  Paulus  quid  sibi  liceat,  aut  minus:  sed  se  ideo  praecipere  negat,  quasi  imperio  et  exactione  cogendos  esse  iudicet,  ac  si  officium  facere  detrectarent,  nisi  constricti  necessitate.  Ponit  autem  duas  rationes  ex  opposito  cur  tamen  eos  ad  officium  sollicitet  :  quia  scilicet  impellat  sollicitudo  quam  habet  de  sanctis:  deinde  quia  velit  dilectionem  Corinthiorum  omnibus  compertam  esse.  Neque  enim  intelligo  Paulum  de  illorum  dilectione  voluisse  fieri  certiorem  (de  qua  se  optime  fuisse  persuasum  iam  testatus  est),  sed  potius  volebat  experimentum  apud  omnes  exstare.  Quamquam  prius  membrum  de  aliorum  sollicitudine  duos  sensus  diversos  admittit:  vel  quod  de  hominibus  curam  gerebat,  quae  non  sinebat  eum  cessare  ;  sed  quod  aliorum,  quibus  res  curae  erat,  precibus  obtemperans,  non  tam  ex  proprio  sensu  quam  ex  suggestione  illorum  loquebatur.  9.  Nostis  enim  gratiam.  Iniecta  mentione  dilectionis,  Christum  adducit,  absolutissimum  et  singulare  eius  exemplar.  Quum  dives  esset,  inquit,  7