44:98  CAPUT  n.  1.  In  die  vicesimo  quarto  mensis  sexti,  anno  secundo  Darii  regis.  Tempus  etiam  designat  propheta:  quo  aggressi  sunt  templi  aedificium.  Fuerunt  autem  tres  et  viginti  dies  interpositi  inter  primam  legationem,  et  initium  operis.  Nam  hinc  apparet  quam  indoctus  fuerit  qui  secuit  capita  :  quia  fecit  exordium  secundi  capitis  ab  hac  sententia,  ubi  tamen  propheta  quasi  digito  ostendit  quanta  fuerit  distantia  inter  diem  quo  coepit  hortari  populum,  et  profectum  de  quo  loquutus  est.  Simpliciter  ergo  hic  narrat  quando  inceperit  templum  Dei  exstrui,  nempe  anno  secundo  Darii  regis,  sed  vicesimo  quarto  mensis  sexti.  Dixerat  autem  prius  mandatum  sibi  fuisse  datum  anno  secundo  Darii  regis,  et  mense  sexto,  die  autem  primo.  Ergo  a  primo  die  cessavit  populus,  non  quod  contempserit  prophetae  mandatum,  sed  quia  non  tam  facile  fuit  omnes  simul  animari,  ut  uno  consensu  sese  ad  opus  accingerent.  Quanquam  ergo  promptitudo  haec  laudatur  in  populo,  notandum  tamen  est,  aliquid  fuisse  admixtum  infirmitatis,  quia  fructus  doctrinae  non  apparuit  ante  vicesimum  tertium  diem.  Postea  sequitur:  2.  In  septimo  et  vicesimo  uno  mensis  (hoc  est,  septimo  mense,  vicesima  prima  die  mensis)  fuit  sermo  Iehovae  in  manu  Chaggai  prophetae,  dicendo,  S.  Dic  nunc  ad  Zerubbabel  filium  Sealtiel  ducem  Iehudah,  et  ad  Iehosuah  filium  Iehosadah  sacerdotem  magnum,  et  ad  reliquias  populi,  dicendo,  4.  Quis  in  vobis  superstes  (vel  residuus,  ad  verbum)  qui  viderit  domum  hanc  in  gloria  sua  priore,  et  quam  vos  videtis  hanc  nunc,  annon  prae  illa  sicut  nihilum  in  oculis  vestris?  5.  Et  nunc  (nunc  tamen)  fortis  sis  Zerubbabel,  dicit  Iehova,  et  fortis  sis  Iehosuah  fili  Iehosadah,  sacerdos  magne,  et  fortis  sis  omnis  populus  terrae,  dicit  Iehovah,  et  operamini,  quia  ego  vobiscum,  dicit  Iehova  exercituum.  6.  Secundum  verbum  quod  pepigi  vobiscum  dum  egressi  estis  ex  Aegypto:  et  spiritus^  meus  stabit  (vel  perseverabit)  in  medio  vestri,  ne  timeatis.  Iam  narrat  propheta  alia  de  causa  se  fuisse  missum  a  Deo:  ut  scilicet  occurreret  tentationi,  quae  poterat  opus  inceptum  abrumpere.  Vidimus  omnes  coelesti  spiritu  fuisse  impulsos,  ut  templi  aedificationem  susciperent.  Sed  sicuti  Satan  multis  artibus  conatur  reflectere  piorum  cursum,  ita  rationem  excogitaverat,  qua  posset  frangi  illa  populi  voluntas:  nempe  quia  senes  qui  viderant  antiquum  splendorem  templi,  putabant  secundum  illud  tem-  7