35:98  gimber.  Les  autres  seront  comme  insensibles:  il  y  aura  une  telle  stupidite,  que  pour  tout  ce  qu'on  leur  dira  il  n'y  a  point  d'amendement.  Il  faut  donc  que  nostre  Seigneur  besongne  en  cest  endroit  ici:  et  puis,  quand  il  nous  aura  affligez  iusques  au  bout,  si  est-ce  qu'il  n'y  aura  point  encores  une  droite  obeissance  en  nous:  et  mesmes  quand  nous  serons  confus,  encores  pourrons  nous  estre  comme  povres  phrenetiques  :  ainsi  que  nous  voyons  qu'il  en  est  advenu  et  a  Cain  et  a  Iudas.  Voila  quelle  seroit  nostre  condition,  si  Dieu  n'y  besongnoit.  Et  pourtant  si  nous  n'avions  ce  message  de  salut,  que  deviendrions  -  nous  ?  Encores  que  nous  fussions  bien  dontez,  et  que  nous  ne  fissions  que  souspirer  et  gemir:  si  est-ce  qu'il  n'y  auroit  que  desespoir  en  nous.  Ainsi  donc  il  faut  que  ce  temps  agreable  vienne,  comme  il  en  est  parle  au  Prophete  Isaie  en  un  autre  lieu,  Voici  le  temps  agreable,  voici  les  iours  de  salut.  Et  pourquoy  appelle-il  le  temps  de  salut,  agreable?  Pource  que  Dieu  Ta  choisi  par  sa  pure  bonte.  Et  voila  pourquoy  aussi  il  est  dit  en  l'autre  passage  d'Isaie,  Consolez,  consolez  mon  peuple,  dira  le  Seigneur.  Si  est-ce  que  c'est  a  luy  a  faire,  de  nous  consoler  en  nos  afflictions:  ou  autrement  nous  serons  engloutis  en  tristesse.  Et  pourtant  il  adiouste  qu'il  se  repent  tant  et  plus  d'avoir  afflige  les  siens,  et  que  le  temps  est  venu  de  les  resiouir.  En  quoy  nous  voyons  une  declaration  plus  certaine  de  ce  qui  est  ici  touche  en  bref,  c'est  assavoir  que  c'est  le  propre  office  de  Dieu  de  trouver  reconciliation.  Mais  tant  y  a  que  Dieu  le  veut  faire  par  ses  Ministres.  Et  ainsi  toutes  fois  et  quantes  que  les  promesses  de  l'Evangile  nous  sont  offertes,  ou  Dieu  nous  appelle  a  soy,  et  nous  monstre  qu'il  nous  est  propice  au  nom  de  nostre  Seigneur  Iesus  Christ,  et  qu'il  nous  fait  ceste  grace  que  nous  goustons  une  telle  bonte,  et  que  nous  sommes  certains  qu'il  est  prest  de  nous  recevoir  a  merci:  cognoissons  que  voila  le  temps  oportua  qu'il  a  ordonne  de  nostre  salut,  Humilions  -  nous  donc,  sachans  que  nous  ne  l'avons  point  prevenu,  mais  que  c'est  luy  qui  nous  a  cerche.  Et  cependant  ne  defaillons  point  a  une  telle  occasion:  comme  aussi  S.  Paul  alleguant  ce  passage  que  i'ay  touche  d'Isaie,  nous  monstre  que  nous  devons  estre  prests  a  venir  quand  nostre  Seigneur  nous  exhorte:  et  qu'il  ne  faut  point  que  nous  attendions  du  iour  au  lendemain  quand  la  reconciliation  est  trouvee  et  se  presente  a  nous.  Or  sur  cela  Eliu  conclud,  Que  Vhomme  estant  ainsi  console  par  le  message  que  Dieu  lui  envoye  raieunist,  qu'il  est  restaure,  que  sa  chair  devient  plus  fresche  que  d'un  enfant  En  quoi  il  monstre  le  vrai  moyen  de  nous  resiouir,  c'est  assavoir  non  pas  d'oublier  Dieu,  et  de  cercher  des  vanitez  frivoles  7