31:98  sustentat,  gladios  vero  a  bellicosis  defluere  facit:  denique  qui  prosperum  vel  tristem  pugnae  eventum  quocunque  vult  inclinat.  Ergo  quoties  videbimus  hostes  nostros  cadere,  cavendum  est  ne  sensus  noster  in  hoc  aspectu  subsistat,  sicuti  profani  homines  videndo  caecutiunt:  sed  nobis  occurrat  haec  doctrina,  quae  retro  aguntur,  profligari  a  facie  Domini.  Verba  futuri  temporis  in  praesens  converti,  quia  David  Dei  gratiam  quae  illi  pridem  ostensa  fuerat,  sibi  ante  oculos  iterum  proponit.  5.  Quia  fecisti  iudicium  meum  et  causam  meam:  sedisti  super  solium  iudex*)  6.  Increpasti  gentes,  profligasti  impium,  nomene  orum  delevisti  in  saeculum  et  semper.  Ultra  progreditur  hoc  versu,  sibi  manum  adiutricem  a  Deo  fuisse  porrectam,  quia  iniuste  affligebatur.  Et  certe  videndum  est  ut  militemus  sub  Dei  auspiciis,  si  cupimus  eum  nobis  adesse:  ideo  appellat  ipsum  iudicem  iustitiae,  vel  iustum,  quod  idem  valet:  ac  si  diceret,  Deum  egisse  pro  more  suo  et  ratione  perpetua,  quoniam  bonas  causas  soleat  tuendas  suscipere.  Epithetum  Iusti  malui  reddere  in  nominandi  casu,  quia  sic  magis  emphatica  est  loquutio:  ac  si  dixisset,  Deum  tandem  suscepisse  iudicis  personam,  tribunalque  conscendisse  ut  iudicis  partes  impleret.  Ideoque  ius  et  rectum  a  sua  parte  stetisse  gloriatur,  iuris  sui  et  causae  Deum  vindicem  fuisse  dicens.  Quo  etiam  pertinet  quod  proximo  versu  sequitur,  profligatum  fuisse  impium.  Neque  enim  hostes  prostratos  videns,  eorum  cladi  simpliciter  insultat:  sed  eos  iniustitiae  condemnans,  dicit  quas  meriti  erant  poenas  dedisse.  Gentium  nomine  intelligit  non  paucos  tantum  impios  fuisse  deletos,  sed  ingentes  copias,  et  quidem  ex  diversis  partibus  insurgentes.  Hinc  autem  melius  refulget  Dei  bonitas,  quod  in  unius  servi  sui  favorem  ne  totis  quidem  populis  pepercerit.  Quod  famam  eorum  dicit  in  saeculum  fuisse  exstinctam,  sic  accipe,  quod  sine  spe  resurgendi  excisi,  et  aeternae  ignominiae  addicti  fuerint.  Neque  enim  alioqui  discernere  liceret  quomodo  sepeliat  Deus  nomen  impiorum  cum  ipsis,  nisi  quia  pronuntiat  memoriam  iustis  semper  in  benedictione  fore,  Prov.  10,  6.  7.  Inimice,  finitae  sunt  vastitates  in  saeculum,  et  urbes  deduxisti  :  periit  memoria  ipsorum  cum  ipsis.  8.  Et  Iehova  perpetuo  sedet,  solium  suum  ad  iudicium  paravit.  9.  Et  ipse  iudicabit  orbem  in  iustitia,  iudicabit  populos  in  rectitudine.  7.  (Inimice,  finitae.)  Varie  exponitur  septimus  versus.  Quidam  enim  literam  p],  pro  interrogationis  *)  iuste  iuge,  en  marge:  ou  pour  iuger  iustement.