27:98  salaire,  que  les  hommes  donc  meritent  envers  luy:  car  ce  n'est  pas  son  intention:  mais  cela  se  fait  a  cause  de  nostre  infirmite,  lque  Dieu  voit  bien  qu'il  est  besoin  que  nous  soyons  piequez.  Et  ainsi,  toutes  les  promesses  de  la  Loy  nous  sont  comme  des  coups  d'esperon.  Et  au  reste,  il  faut  aussi  revenir  a  la  doctrine  de  sainct  Paul,  c'est  assavoir  quand  Dieu  nous  aura  promis  en  sa  Loy  quelque  chose  sous  condition,  que  ce  n'est  rien.  Car  de  nostre  coste  au  lieu  d'accomplir  ce  que  Dieu  nous  commande,  nous  allons  tout  au  rebours,  et  ainsi  nous  sommes  loin  de  tout  le  bien  qu'il  nous  propose  la.  Et  quand  la  Loy  dit  :  Qui  fera  ces  choses,  il  vivra  en  icelles:  nous  ne  gagnons  rien,  iusques  k  tant  que  nostre  Seigneur  se  soit  reconcilie  a  nous  par  sa  bonte  gratuite:  et  alors  il  escrit  sa  Loy  en  nos  coeurs,  et  nous  apprenons  a,  luy  obeir:  ce  que  nous  ne  pouvons  faire  de  nature.  Mais  tant  y  a  que  nous  ne  le  faisons  point  en  perfection,  il  y  a  tousiours  a  redire,  tellement  que  Dieu  pourroit  reietter  nos  oeuvres  k  bon  droict,  d'autant  qu'elles  sont  toutes  vicieuses:  mais  il  les  accepte,  et  le  salaire  nous  est  rendu,  non  point  comme  une  chose  deue:  mais  d'autant  que  le  bon  plaisir  de  Dieu  est  tel.  Notons  donc  pour  revenir  au  premier  propos,  que  Dieu  nous  solicite  a  observer  ses  commandemens  par  les  moyens  qu'il  cognoist  nous  estre  convenables.  Et  voila  pourquoy  il  dit,  que  si  nous  sommes  du  tout  siens,  qu'il  est  nostre:  et  que  si  nous  venons  a  luy,  il  s'approchera  de  nous,  et  qu'il  nous  benira:  et  que  non  seulement  il  nous  fera  prosperer  en  ceste  vie  transitoire,  mais  que  nous  pouvons  esperer  en  plus  ample  loyer  beaucoup  au  royaume  des  cieux.  Toutes  ces  choses-la  nous  sont  dites.  Et  pourquoy?  Ce  n'est  point  pour  nous  enfler  de  quelque  vaine  presomption,  comme  si  nous  pouvions  rien  desservir  envers  Dieu:  mais  c'est  pour  nous  inciter  a  ce  que  nous  ayons  meilleur  courage  de  bien  faire,  voyant  que  nostre  Dieu  qui  pourroit  exiger  de  nous  tout  ce  qui  est  contenu  en  sa  Loy  sans  aucun  salaire,  neantmoins  veut  encores  s'obliger  gratuitement.  Voila  pour  le  premier  article.  Or  cependant  nous  voyons  bien  que  tout  ce  qui  est  promis  ici  au  peuple,  n'est  point  a  cause  de  l'obeissance  qu'il  avoit  rendue  a  Dieu:  car  la  terre  estoit  desia  promise  et  iuree  a  ses  peres  devant  qu'il  fust  nay.  Mesmes  si  on  parle  du  temps  advenir,  nous  voyons  que  Dieu  n'a  point  eu  esgard  a  cela,  il  n'a  pas  attendu  que  le  peuple  se  portast  si  bien  qu'il  luy  peust  rendre  loyer:  mais  il  dit:  Ie  vous  ay  desia  promis  la  terre,  voire  ie  vous  l'ay  promise  en  heritage,  afin  que  vous  ne  pensiez  point  l'avoir  acquise.  Et  qu'ainsi  soit,  devant  que  vous  fussiez  engendrez,  desia  ie  vous  en  a  voye  fait  le  don  gratuit:  mais  cependant  advisez  pour  en  iouyr,  de  vous  adonner  a  7