23:98  fructuum  copia  praestantem,  Adae  fuisse  datum,  quem  incoleret.  Finitus  enim  locus  sit  oportet  qui  oppositos  habet  respectus  ad  varias  mundi  plagas.  17.  Cognovit  autem  Cain  uxorem.  Ex  contextu  Mosis  colligere  licet,  Cain  priusquam  fratrem  occideret,  uxorem  duxisse:  alioqui  nunc  de  coniugio  aliquid  narraret,  quia  res  erat  memorabilis,  inventam  esse  unam  ex  sororibus  quae  se  in  eius  manum  tradere  non  horreret,  quem  fraterno  sanguine  pollutum  noverat,  et  exsulena  ac  profugum  sponte  sequi  mallet,  quum  adhuc  libera  daretur  optio,  quam  in  paterna  familia  manere.  Quin  etiam  portenti  loco  recitat,  excussa  formidine  cuius  meminit  Cain  ad  sobolem  gignendam  animum  applicuisse.  Nam  qui  sibi  totidem  fingebat  hostes  quot  erant  homines  in  mundo,  mirum  est  quod  non  se  potius  in  aliquam  solitudinem  procul  abdiderit.  Hoc  quoque  praeter  naturam  est,  quod  pavore  attonitus,  et  Deum  sibi  adversum  sentiens,  ullam  admittere  voluptatem  potuit.  Iam  vero  mihi  dubium  est,  aliosne  liberos  ante  procreasset:  nihil  enim  absurdi  erit  si  dicamus  peculiariter  referri  qui  geniti  sunt  post  admissum  scelus,  quasi  detestabile  semen,  et  quod  sanguinarium  patris  ingenium  moresque  efferatos  referret.  Hoc  quidem  controversia  caret,  complures  tam  masculos  quam  feminas  omitti:  quia  Mosis  consilium  fuit,  unam  tantum  lineam  prosequi,  donec  ad  Lamech  veniret.  Fuit  ergo  magia  populosa  domus  quam  exprimat  Moses:  sed  propter  memorabilem,  quam  mox  subiiciet  historiam  de  Lamech,  unum  tantum  ordinem  attingens,  reliquum  numerum  silentio  praeterit.  Concludit  *)  urbem.  Videtur  hoc  prima  specie,  et  Dei  iudicio  et  superiori  sententiae  valde  contrarium.  Adam  enim  et  reliqua  eius  familia,  quibus  Deus  fixam  stationem  concessit,  sub  tuguriis  agunt,  vel  etiam  sub  dio  et  arboribus  quaerunt  fortuita  hospitia:  exsul  Cain,  quem  Deus  fugitivum  vagari  iusserat,  non  contentus  privata  domo,  urbem  sibi  exstruit.  Sed  probabile  est,  hominem  sibi  male  conscium,  quum  privatis  domus  suae  parietibus  se  tutum  minime  confideret,  novum  excogitasse  munitionis  genus.  Non  enim  alia  de  causa  per  agros  dispersi  vivunt  Adam  et  reliqui,  nisi  quia  minus  metuunt.  Quare  trepidi  et  obnoxii  animi  signum  est,  quod  urbis  condendae  libido  Cain  incessit,  ut  se  a  reliquis  hominibus  disiungat:  diffidentiae  tamen  et  anxietudini  admixtam  fuisse  superbiam  inde  apparet,  quod  urbem  a  filio  denominat.  Ita  saepe  in  cordibus  impiorum  diversi  inter  se  affectus  confligunt.  Eum  formido  ex  scelere  intra  muros  compellit,  ut  praeter  morem  usitatum  se  muniat:  ex  adverso  ebullit  fastuosa  vanitas.  Certe  optare  debu-  1)  Sic  edd.  Lege:  Condidit.