21:98  le  lendemain  on  vit  bien  que  cela  luy  avoit  fait  mal,  car  il  se  trouva  fort  abbatu,  et  sa  sante  empiree.  Le  lundi  27.  dudit  mois  il  se  fit  porter  en  la  maison  de  ville,  iusques  a  la  porte  d'icelle,  et  de  la,  ayant  deux  a  coste  sur  lesquels  il  s'appuyoit,  monta  de  son  pied  iusques  en  la  chambre  du  Conseil,  pour  presenter  a  Messieurs  celuy  qui  avoit  de  nouveau  este  esleu  Recteur  en  l'escole,  afin  qu'en  leur  presence  ledit  Recteur  fist  le  serment,  selon  le  formulaire  contenu  es  loix  de  l'escole.  Ce  qu'estant  fait,  ledit  Calvin  se  leva  d'un  siege  bas  ou  il  estoit,  et  prenant  son  bonnet  en  la  main,  remercia  mesdits  Seigneurs  de  la  bonne  souvenance  qu'ils  avoyent  tousiours  eu  de  luy,  et  mesmement  des  biens  qu'ils  luy  avoyent  fait  en  ses  dernieres  maladies.  Davantage  il  leur  dit  que  quelques  iours  auparavant  il  avoit  senti  quelque  apparence  de  meilleure  disposition,  mais  que  depuis  deux  iours  il  avoit  apperceu  que  nature  n'en  pouvoit  plus.  Et  leur  tint  ces  propos  avec  grande  difficulte  de  respiration,  et  une  merveilleuse  debonnairete:  ce  qui  faisoit  quasi  venir  les  larmes  aux  yeux  ausdits  Seigneurs.  Et  ceste  fut  la  derniere  fois  qu'il  vint  au  Conseil.  Le  Dimanche,  second  iour  d'Avril,  iour  de  la  Cene  de  Pasques,  combien  qu'il  fust  fort  debilite,  il  se  fit  toutesfois  porter  en  une  chaire  au  Temple,  et  assista  au  presche  tout  du  long,  print  la  Cene,  et  mesmes  nonobstant  sa  courte  halaine  chanta  le  Pseaume  avec  les  autres,  son  visage  mesmes  monstrant  bien  qu'il  se  resiouissoit  en  Dieu  avec  toute  l'assemblee.  Le  mardi  25  d'Avril  *)  il  fit  un  testament  fort  brief,  comme  jamais  il  n'a  abuse  mesmes  des  paroles,  entant  qu'en  lui  a  este  :  mais  contenant  nn  singulier  et  excellent  tesmoignage  a  iamais  qu'il  a  parle  comme  il  a  creu:  qui  a  este  cause  que  volontiers  ie  Fay  insere  de  mot  a  mot,  par  le  consentement  de  son  frere  et  seul  heritier  Antoine  Calvin,  afin  que  [h  1]  cest  acte  demeure  a  perpetuite,  comme  il  a  pleu  a  Dieu  que  quelques  testamens  de  ses  plus  excellens  serviteurs  ayent  este  enregistrez,  pour  estre  perpetuels  tesmoignages  qu'un  mesme  Esprit  de  Dieu  les  a  gouvernez  en  la  vie  et  en  la  mort:  et  puis  aussi  pour  faire  mieux  cognoistre  l'impudence  extreme  de  ceux  qui  feroyent  volontiers  croire  que  sa  mort  a  desmenti  sa  vie.  Et  si  quelqu'un  estime  qu'en  ceci  il  y  ait  rien  de  contrefait,  ie  ne  m'am  user  ay  point  a  le  contredire.  Seulement  ie  Padmoneste  quiconques  il  soit,  de  bien  penser  que  c'est  qu'il  y  aura  de  ferme  en  la  societe  humaine,  s'il  est  loisible  de  revoquer  en  doute  ce  qui  a  este  fait  en  une  ville,  au  veu  et  sceu  de  qui  l'a  voulu  ouir  et  scavoir.  2)  1)  Premiere  redaction  p.  46.  2)  Suit  de  texte  du  Testament  Vol  XXI.