10.1:98  ger  par  admonition  simple,  qu'on  y  procede  selon  l'ordre  de  nostre  Seigneur:  tellement  que  le  dernier  soit,  de  venir  au  iugement  Ecclesiastique.  Pour  maintenir  ceste  discipline  en  son  estat,  que  de  trois  en  trois  mois  les  Ministres  ayent  specialement  regard  s'il  y  a  rien  a  redire  entre  eux,  pour  y  remedier  comme  de  raison.  Ordre  sur  la  visitation  des  Ministres  et  parroisses  dependantes  de  Geneve.  Mais  encore  afin  de  conserver  bonne  police  et  union  de  doctrine  en  tout  le  corps  de  l'Eglise  de  Geneve,  [page  13]  c'est  adire  tant  en  la  ville  comme  aux  parroisses  dependantes  de  la  Seigneurie,  que  le  Magistrat  eslise  deux  des  Seigneurs  de  leur  Conseil:  et  semblablement  les  Ministres  en  eslisent  deux  de  leur  congregation,  qui  ayent  la  charge  d'aller  une  fois  l'an  visiter  chacune  parroisse,  pour  s'enquerir  si  le  Ministre  du  lieu  auroit  point  mis  en  avant  quelque  doctrine  nouvelle  et  repugnante  a  la  purete  de  l'Evangile.  Secondement,  que  cela  serve  pour  s'enquerir  si  le  Ministre  presche  en  edification,  ou  s'il  a  quelque  facon  scandaleuse,  ou  qui  ne  soit  point  convenable  a  enseigner  le  peuple:  comme  d'estre  trop  obscur,  de  traiter  questions  superflues,  d'user  de  trop  grande  rigueur,  ou  quelque  vice  semblable.  Tiercement,  pour  exhorter  le  peuple  a  frequenter  les  predications,  y  prendre  goust  et  en  faire  son  profit  pour  vivre  chrestiennement:  et  lui  remonstrer  quel  est  l'office  du  Ministre,  afin  qu'il  apprene  comme  il  s'en  doit  servir.  Quartement,  pour  savoir  si  le  Ministre  est  diligent  tant  a  prescher  comme  a  visiter  les  malades,  et  admonester  en  particulier  ceux  qui  en  ont  besoin,  et  a  empescher  qu'aucune  chose  se  face  au  deshonneur  de  Dieu.  Et  aussi  s'il  meine  vie  honneste,  monstrant  de  soy  bon  exemple:  ou  vrayement  s'il  fait  quelques  dissolutions  ou  legeretez  qui  le  rendent  contemptible  et  sa  famille  aussi,  ou  s'il  s'accorde  bien  avec  le  peuple.  LA  FACON  DE  VISITER.  [page  14]  Que  le  Ministre  depute  a  cest  office,  apres  avoir  presche,  et  admoneste  le  peuple  selon  que  dessus  a  este  dit,  s'enquiere  des  gardes  et  procureurs  de  la  parroisse  tant  sur  la  doctrine  que  la  vie  de  leur  Ministre,  et  pareillement  sur  la  dilie  gence  et  facon  d'enseigner:  les  priant  au  nom  de  Dieu  ne  souffrir  ne  dissimuler  chose  qui  empeseh-  7