9:97  97  CONTRA  WESTPHALUM.  98  aequi  et  moderati  homines  testimonium  mihi  resident.  Neque,  ut  blaterat,  conspiratio  fuit  ad  stabiliendos  errores:  sed  ingenua  sententiae  nostrae  professio,  quae  tollendis  offensionibus  visa  est  optime  congruere.  Pios  homines  diu  cruciavit  [pag.  118]  haec  opinio,  quod  sacra  signa,  quibus  gratiam  suam  Deus  offert,  profanis  terrenae  militiae  insignibus  ac  theatricis  figuris  ')  aequari  putabant.  Sublata  fuit  suspicio  non  minus  gravis  de  efficaciae  exinanitione.  Si  quid  in  hac  contestatione  2)  displicet  Westphalo,  liberum  ei  per  nos  erit  ostendere.  Quod  vero  illa  reprehensionis  parte  omissa  ad  insectandum  nostrum  Consensum  se  convertit,  quis  eius  malitiae  ignoscat?  Praefatio  quidem  nostra  locuples  testis  est,  non  fuisse  nobis  propositum  quemquam  in  verba  nostra  adigere.3)  Tantum  praestet  Westphalus  quod  illic  modeste  precati  sumus.  Imo  hoc  vult  esse  criminosum,  quod  sententiam  nostram  ingenue  professi,  si  quis  meliora  afferat,  nos  fore  dociles:  si  quis  maiorem  explicationis  lucem  desideret,  morigeros  fore  spondemus.  Si  doctrinae  nostrae  subscribere  aequum  esse  non  ducebat,  licuit  aperte  monstrare  quid  improbaret,  modo  ne  sanatum  vulnus  de  integro  exacerbaret.  Illa  autem  importuna  declamatio  facessat,  maledictam  esse  pacem,  quae  veritatis  dispendio  redimitur.4)  Neque  enim  aliam  appetimus,  quam  cuius  sacrum  vinculum  [pag.  119]  sit  pura  Christi  veritas.  Et  ego  ansam  ita  obloquendi  praecideram,  nisi  fixum  Westphalo  fuisset,  extra  oleas  vagando  lectores  a  causa  abducere.  Porro,  de  habitis  in  Anglia  disputationibus  malo  respondeat  fidelis  ecclesiae  Argentinensis  doctor  Petrus  Martyr,  *)  quod  nunc  fieri  confido.  Paucis  tantum  verbis  a  me  notanda  hic  est  non  minus  crudelis  et  barbara,  quam  sacrilega  huius  nostri  censoris  insultatio.  Ferociter  omnes  Dei  cultores  subsannat,  qui  durabilem  in  Anglia  fore  ecclesiae  statum  sibi  promiserant.  Quis  iam  tui  misereatur,  si  quando  vel  ad  extrema  quaeque  redigi  contingat?  cui  non  satis  est  in  publico  piorum  omnium  luctu  otiosum  sedere,  nisi  miseram  et  luctuosam  ecclesiae  dissipationem  protervis  conviciis  insecteris.  Non  hunc  tuum  furorem  saltem  compescuit  sacer  ille  tot  martyrum  sanguis,  qui  non  minus  in  remotissimis  1)  les  saincts  sacremens  n'estoient  estimes  sinon  comme  quelques  armoiries  ou  livrees  qu'auront  les  gendarmes  estans  a  la  soulde  de  quelque  prince  en  ce  monde  ou  quelques  tableaux  et  pourtraicts  pour  l'ornement  d'un  theatre.  2)  declaration  si  expresse  et  faicte  solennellement  en  presence  de  te&moings.  3)  de  bailler  a  aucun  sa  lecon  et  le  contraindre  a  nous  adherer  precisement.  4)  Add,  s'il  n'a  autre  chose  a  dire  il  peut  bien  aller  ailleurs.  *)  Petrus  Martyr  Oxoniae  ediderat  a.  1549  tractationem  de  sacramento  eucharistiae  postea  Turici  recu  sam.  Calvini  opera  Vol.  IX.