7:97  97  CONTEE  LES  ANABAPTISTES.  98  quelque  raison  que  ce  fust.  *)  Ce  qui  est  contre  l'intention  du  Seigneur,  et  contre  le  sens  que  luy  mesme  donne  en  la  procedure  et  deduction  des  parolles.  Cependant  ilz  nous  veulent  faire  a  croire,  que  nous  glosons  ce  passage,  comme  s'il  estoit  dict,  que  c'est  mal  faict  de  iurer  par  le  ciel,  ou  par  la  terre  :  mais  que  de  iurer  par  Dieu,  il  est  permis.  Or  pour  le  moins,  ilz  nous  imposent  cela  envers  les  simples  idiotz,  qui  n'ont  rien  veu  n'ouy  de  nous,2)  pour  en  iuger.  Et  puis  ayant  iette  en  avant  ceste  calomnie,  ilz  s'escrient,  en  disant:  O  les  folz  et  aveugles,  qui  ne  regardent  pas  que  Dieu  est  plus  grand  que  son  throsne.  Mais  a  qui  s'adressent-ilz,3)  sinon  a  eux  mesmes?  veu  qu'eux,  et  non  autres,  ont  forge  cela  en  leur  cervelle  phantastique.  Pource  qu'il  s'ensuit  aux  parolles  de  nostre  Seigneur,  que  nul  n'ait  a  iurer  par  son  chef:  d'autant  que  nul  de  nous  ne  sauroit  faire  un  cheveu  de  sa  teste  blanc  ou  noir.  Voila,  disent-ilz,  la  cause  pourquoy  tous  sermens  sont  defenduz:  d'autant  que  nous  ne  saurions  accomplir  ce  que  nous  promettons.  Mais  ie  dy  au  contraire,  que  si  les  bestes  pouvoyent  parler,  elles  parleroyent  plus  sagement.  Pour  le  premier  il  y  a  contradiction  manifeste  en  ce  qu'ilz  [page  99]  babillent.  Car  ceste  raison  est  speciale,  pour  les  sermens  ou  nous  promettons  de  faire  quelque  chose  a  l'advenir.  Il  s'ensuit  donc,  qu'un  serment,  par  lequel  i'affermer  ay  de  ce  qui  a  desia  este  faict,  ne  sera  pas  mauvais.  Ne  faut-il  pas,  ie  vous  prie,  qu'ilz  soyent  du  tout  hors  du  sens,  d'arguer  ainsi?  Nous  ne  pouvons  accomplir  ce  que  nous  promettons  :  pourtant  tous  sermens  sont  defenduz.  La  replique  est  prompte  a  cela,  qu'il  y  a  une  espece  de  serment,  en  laquelle  il  n'est  point  question  de  s'obliger  a  rien  faire  :  mais  seulement  de  rendre  tesmoignage  a  la  verite  pour  un  faict  ia  passe.  Mesme  que  c'est  la  facon  de  iurer  dont  on  use  le  plus.  Secondement,  il  s'en  faut  beaucoup,  que  le  sens  soit  tel  qu'ilz4)  imaginent.  Car  nostre  Seigneur  Iesus  poursuit  tousiours  a  monstrer,  comme  il  avoit  commence,  que  si  quelcun  iure  par  son  chef,  c'est  prendre  aussi  bien  le  Nom  de  Dieu  obliquement,  comme  de  iurer  par  le  ciel,  ou  la  terre,  ou  par  Ierusalem.  Comme  donc  il  avoit  dict,  que  le  ciel  est  le  throsne  de  Dieu,  la  terre  son  marchepied,  Ierusalem  sa  saincte  cite  :  aussi  consequemment  il  demonstre,  que  le  chef  de  l'homme  est  une  portion  de  sa  seigneurie  :  d'autant  qu'il  en  dispose  luy  seul  a  sa  volunte.  Comme  s'il  disoit:  Quand  quelcun  iure  [page  100]  par  son  chef,  s'il  pense  iurer  par  ce  qui  luy  appar-  1)  quacunq[ue  occasione.  2)  scriptorum  nostrorum.  3)  in  quos  insultant?  4)  le  vray  sens  soit  ce  qu'ilz  etc.  1566  suiv.  (verus  sensus)-  Calvini  opera.  Vol  VIL