58:97  97  DE  IACOB  ET  ESAU.  est  presente  par  l'Evangile,  aussi  faut-il  que  nous  Pacceptions:  et  si  nous  demeurons  incredules,  c'est  autant  comme  si  nous  fermions  la  porte  a  toutes  ses  graces.  Puis  qu'ainsi  est  donc,  que  de  si  long  temps  Dieu  a  ordonne  tout  ce  qui  appartenoit  a,  nostre  salut,  et  qu'au  temps  de  plenitude  (comme  saint  Paul  l'appelle)  Iesus  Christ  est  apparu,  et  qu'il  a  este  testifie  suffisamment  qu'il  estoit  ceste  semence  benite,  en  laquelle  il  nous  faut  cercher  tous  biens:  que  nous  venions  aussi  la  avec  une  telle  promptitude  de  foy,  et  un  tel  zele,  que  nous  ne  soions  point  forclos  par  nostre  malice  et  incredulite  que  Dieu  n'accomplisse  en  nous  ce  qui  est  ici  prononce,  que  nous  ne  tendions  a  lui,  pour  avoir  la  ratification  de  sa  promesse.  Avisons  di-ie  que  nul  ne  s'empesche  par  son  propre  vice  et  par  sa  faute.  Finalement  il  est  dit,  Que  Dieu  ratifiera  son  serment  avec  Isaac,  d'autant  qu'Abraham  avoit  obei  a  la  voix  de  Dieu,  qu'il  avoit  garde  ses  commandemens,  ses  statuts,  ses  observations  et  ses  loix.  Yci  le  serment  est  reitere  encores,  pour  plus  grande  et  plus  certaine  confirmation  de  nous  tous,  car  nous  ne  pouvons  pas  aiouster  foy  a  Dieu,  si  nous  n'avons  bataille  vertueusement  contre  la  defiance,  a  laquelle  nous  sommes  enclins  :  et  puis  encores  nous  sommes  si  volages  que  c'est  pitie.  Dieu  pour  ceste  cause  iure,  afin  de  nous  asseurer  tant  plus.  Or  il  est  vrai  (comme  il  a  este  remonstre  par  ci  devant)  que  c'est  un  grand  vitupere  a  nous,  qu'il  salle,  que  nous  contraignions  Dieu  a  iurer  :  car  nous  ne  ferons  pas  honneur  a  un  homme  mortel,  si  nous  ne  nous  contentons  d'un  simple  mot  qu'il  aura  dit,  si  nous  ne  le  tenons  pour  homme  de  bien,  en  nous  contentant  de  ce  qu'il  nous  aura  promis:  mais  quand  nous  disons,  Ie  vueil  que  vous  m'en  iuries:  voila  un  signe  de  defiance,  et  qui  ne  sera  point  supportable  entre  les  hommes.  Or  cependant,  que  nous  facions  un  tel  deshonneur  a  Dieu,  que  nous  requerions  son  serment  outre  sa  Parole,  ne  faut-il  pas  que  nous  soyons  par  trop  vilains?  Mais  si  est-ce  que  Dieu  encores  en  cest  endroit  a  pitie  de  nous,  combien  que  ce  soit  un  vice  insupportable,  que  nous  voulions  qu'il  iure,  outre  ce  qu'il  a  prononce:  si  est-ce  qu'encore  en  cela  il  se  conforme  a  nous.  Que  demandons  nous  plus?  Maintenant  quelle  excuse  y  aura-il,  quand  encores  nous  voudrons  que  les  promesses  de  Dieu  nous  soient  ratifiees  par  serment?  Ce  mot  donc  de  Serment  nous  doit  transpercer  le  coeur,  quand  il  vient  en  avant,  voire  et  quand  il  est  question  de  nous  certifier  de  la  bonne  volonte  de  Dieu  et  de  l'amour  qu'il  nous  porte.  Venons  a  ce  poinct  ou  il  est  dit,  Calvini  opera.  Vol.  LVIII.