56:97  97  EXODE.  98  Pharao  luy  dit,  Retire-toy  arriere  de  moy,  gardetoy  de  plus  voir  ma  face:  car  le  iour  que  tu  verras  ma  face,  tu  mourras.  29.  Lors  Moyse  respondit,  Voire,  ainsi  que  tu  l'as  dit,  ie  ne  verray  plus  ta  face.  Chapitre  XI.  1.  Or  l'Eternel  avoit  dit  a  Moyse,  I'ameneray  encore  une  playe  sur  Pharao,  et  sur  Egypte,  puis  il  vous  laissera  aller  d'ici,  voire  il  vous  en  dechassera  pleinement,  et  du  tout.1)  2.  Parle  maintenant  au  peuple,  afin  que  chacun  demande  de  son  voisin,  et  une  chacune  de  sa  voisine,  vaisseaux  d'argent,  et  vaisseaux  d'or.  3.  Et  l'Eternel  donnera  grace  au  peuple  envers  les  Egyptiens.  Aussi  Moyse  estoit  de  fort  grande  reputation  au  pays  d'Egypte,  tant  envers  les  serviteurs  de  Pharao,  qu'envers  le  peuple.  4.  Moyse  donc  dit,  Voici  ce  que  dit  l'Eternel,  Environ  la  minuit,  i'entreray  au  milieu  d'Egypte.  5.  Et  tout  premier  ne  mourra  au  pays  d'Egypte,  depuis  le  premier  ne  de  Pharao  qui  se  sied  sur  son  throne,  iusques  au  premier  ne  de  la  servante  qui  est  apres  les  meules,  et  au  premier  ne  des  bestes.  6.  Et  y  aura  grand  cri  en  tout  le  pays  d'Egypte,  tel  qu'il  ne  fut  oncques,  et  ne  sera  plus.  7.  Mais  d'entre  tous  les  enfans  d'Israel,  un  chien  ne  remuera  point  sa  langue,  depuis  l'homme  iusques  au  bestail:  afin  que  vous  sachiez  que  Dieu  a  fait  separation  entre  les  Egyptiens  et  Israel.  8.  Et  tous  ces  tiens  serviteurs  viendront  a  moy,  et  s'enclineront,  disans,  Sors,  toy,  et  tout  le  peuple  qui  est  sous  toy:  apres  cela  ie  sortir  ay.  Ainsi  Moyse  se  retira  de  Pharao  en  grande  ire.  9.  Or  l'Eternel  avoit  dit  a  Moyse,  Pharao  ne  vous  obeira  point,  afin  que  ie  multiplie  mes  miracles  au  pays  d'Egypte.  10.  Moyse  donc  et  Aaron  firent  tous  ces  miracles  devant  Pharao.  Et  l'Eternel  endurcit  le  coeur  de  Pharao,  pour  ne  point  laisser  sortir  les  enfans  d'Israel  du  pays  d'Egypte.  Chapitre  XII.  1.  L'Eternel  parla  a  Moyse  et  a  Aaron  en  la  terre  d'Egypte,  disant,  2.  Ce  mois-ci  vous  sera  le  commencement  des  mois,  voire  il  vous  sera  le  premier  entre  les  mois  de  l'annee.  3.  Parlez  a  toute  l'assemblee  d'Israel,  disant,  Au  dixieme  iour  de  ce  mois,  prenez  chacun  de  vous  un  agneau  selon  les  familles  des  peres,  son  agneau  pour  famille.  4.  Mais  si  la  famille  est  moindre  qu'il  ne  faut  pour  manger  l'agneau,  il  prendra  son  voisin  qui  est  pres  de  sa  maison,  selon  le  nombre  des  personnes,  vous  conterez  quant  a  l'agneau  chacun  selon  la  portion  de  son  manger.  5.  Or  l'agneau  sera  entier,  masle,  l)  54  suiv.  .  Et  quand  il  vous  vouWra  totallement  laisser  aller,  il  vous  dechassera  d'icy.  Calvini  opera.  Vol.  LVI��