52:97  97  CAPUT  L  98  amplitudinem  significant  Paulo,  ut  notum  est.  Nominatim  in  gentibus  apparuisse  docet  has  divitias.  Quid  enim  magis  admirabile  quam  gentiles,  qui  tot  sacculis  demersi  fuerant  in  morte,  ut  viderentur  penitus  desperati,  repente  accenseri  Dei  filiis  et  haereditatem  salutis  accipere?  Qui  est  Christus  in  vobis.  Quod  de  gentibus  dixerat  in  genere,  accommodat  ipsis  Colossensibus,  ut  efficacius  in  se  agnoscant  et  maiore  reverentia  exosculentur  Dei  gratiam.  Dicit  ergo,  qui  est  Christus:  quo  significat  totum  illud  arcanum  in  Christo  contineri:  et  omnes  sapientiae  coelestis  divitias  obtineri  quum  habetur  Christus:  quemadmodum  apertius  paulo  post  asseret.  Addit,  in  vobis:  quia  nunc  Christum  possident,  a  quo  nuper  erant  tam  alieni  ut  nihil  supra.  Postremo  Christum  vocat  spem  gloriae:  ut  sciant  nihil  ad  plenam  beatitudinem  sibi  deesse  postquam  Christum1)  adepti  sunt.  Hoc  autem  admirabile  Dei  opus  est,  quod  in  vasculis  testaceis  et  fragilibus  resideat  spes  coelestis  gloriae.  28.  Quem  nos  praedicamus.  Hic  vero  ad  suam  praedicationem  transfert  quidquid  prius  de  mirifico  et  adorando  Dei  arcano  pronuntiavit:  atque  ita  exponit  quod  iam  attigerat  de  commissa  sibi  dispensatione.  Huc  enim  tendit  ut  suum  apostolatum  ornet  suaeque  doctrinae  autoritatem  vendicet.  Postquam  enim  evangelium  in  sublime  extulit,  nunc  addit,  esse  illud  divinum  arcanum  quod  praedicat.  Verum  non  abs  re  nuper  inseruit.  Christum  esse  illius  arcani  summam:  ut  scirent  nihil  doceri  posse  Christo  absolutius.  Quae  sequuntur  verba,  magnum  etiam  pondus  habent.  Se  doctorem  facit  omnium  hominum:  quo  significat  nullum  tanta  sapientia  praestare,  qui  se  eximere  a  suo  magisterio  debeat:  ac  si  diceret:  constituit  me  Deus  in  excelso  loco  publicum  arcani  sui  praeconem,  ut  sine  exceptione  totus  mundus  ex  me  discat.  In  omni  sapientia  perinde  valet  ac  si  talem  assereret  suam  doctrinam,  quae  hominem  ad  solidam  sapientiam,  et  cui  nihil  desit,  perducat.  Atque  hoc  est  quod  addit  continuo,  quicunque  se  veros  discipulos  praebuerint,  eos  reddi  perfectos.  Vide  secundum  caput  prioris  ad  Corinthios.  Quid  autem  potest  expeti  melius  quam  quod  summam  perfectionem  nobis  confert?  Iterum  repetit  in  Christo,  ne  quid  scire  praeter  unum  Christum  velint.  Ex  hoc  loco  etiam  colligere  licet  verae  sapientiae  definitionem:  nempe  qua  perfecti  sistamur  coram  Deo:  idque  in  Christo,  non  alibi.  29.  In  quam  rem.  Duabus  circumstantiis  auget  gloriam  sui  apostolatus  suaeque  doctrinae.  Primum  studii  sui  mentionem  facit:  quod  est  argumentum  difficultatis.  Sunt  enim  ut  plurimum  praestantissima  quae  maxime  sunt  ardua.  Alterum  est  firmius,  quod  Dei  potentiam  in  suo  ministerio  relucere  *)  habent.  Calvini  opera,  Vol.  LII,