51:97  97  SUR  L'EPITRE  AUX  GALATES.  98  miserables  en  ce  monde.  Nous  scavons  comme  Dieu  nous  adopte  par  sa  bonte  gratuite:  Voila  le  fondement  de  nostre  salut.  Il  nous  pardonne  nos  pechez:  et  voila  toute  nostre  iustice:  car  si  nous  sommes  considerez  de  luy  en  nostre  naturel,  il  ne  peut  sinon  nous  reietter  comme  maudits  et  execrables:  nous  ne  pouvons  donc  trouver  grace  devant  luy,  sinon  qu'il  nous  recoive  par  sa  pure  bonte.  Et  nous  scavons  aussi  que  nos  oeuvres  seront  tousiours  imparfaites  et  entachees  de  quelque  vice,  tellement  qu'elles  ne  pourront  estre  acceptees  de  Dieu.  Nous  scavons  quand  nous  tascherons  a  le  servir  et  a  bien  faire,  que  souventes  fois  nous  irons  tout  au  rebours,  tellement  que  nous  luy  serons  tousiours  redevables.  Mais  quoy  qu'il  en  soit,  apres  que  Dieu  nous  a  adoptez  pour  ses  enfans,  qu'il  a  enseveli  toutes  nos  fautes,  qu'il  nous  a  declare  que  nostre  service  luy  est  plaisant,  encores  qu'il  soit  imparfait,  alors  il  nous  declare  aussi  et  adiouste  pour  le  comble  que  nous  ne  serons  point  trompez  nous  dediant  a  luy,  et  aspirant  a  la  vie  celeste.  Il  est  vray  qu'on  se  moquera  de  nous,  Et  voila  des  badins  qui  se  tormentent  tant  et  plus.  Et  pourquoy?  pour  la  vie  du  ciel.  Et  qui  est-ce  qui  leur  en  a  apporte  nouvelles?  C'est  ie  ne  scay  quelle  devotion  qui  trompe  ces  gens  la:  cependant  se  sont  poures  malotrus  ou  il  n'y  a  ni  esprit  ni  rien  qui  soit.  Car  nous  voyons  auiourd'huy  que  ceux  qui  se  font  valoir,  nous  calomnient,  et  ces  poures  nigauds-la,  et  que  pensent  ils  faire?  Voila  comme  nous  serons  brocardez,  pource  que  nous  n'appetons  point  a  nous  avancer  et  a  nous  faire  valoir  selon  le  monde.  Combien  donc  que  nous  soyons  ainsi  moquez,  attendons  nous  a  ceste  promesse  qui  est  ici  donnee,  c'est  a  scavoir  que  si  nous  suivons  nostre  vocation  en  simplicite,  nous  cognoistrons  que  Dieu,  qui  a  commence,  se  monstrera  fidele,  et  que  c'est  nostre  souverain  bien  quand  il  nous  veut  gagner  a  soy,  et  que  non  seulement  il  cerche  nostre  profit  en  tout  et  par  tout:  mais  qu'il  se  monstrera  par  sa  bonte  infinie  Pere  et  Sauveur  envers  nous.