50:97  97  CAPUT  VIII.  98  imitari  saltem  eorum  exemplum?  quid  autem  quod,  non  contenti  rogare  obtestationem,  et  quidem  multam  addiderunt  precibus?  inde  autem  apparet  non  defungendi  modo  causa,  sed  serio  ipsos  rogasse.  Ut  gratiam  et  societatem.  Nomen  gratiae  posuit  ad  commendandam  eleemosynam.  Quamquam  potest  varie  exponi  hoc  vocabulum:  sed  mihi  haec  simplicior  videtur  significatio,  quod,  quemadmodum  gratuito  nobis  omnia  largitur  pater  coelestis,  ita  nos  gratuitae  eius  bonitatis  imitatores  benefaciendo  esse  oporteat.  Vel  certe  quia  ex  facultatibus  nostris  erogando  nihil  aliud  quam  gratiae  eius  sumus  oeconomi.  Societas  ministerii  erat,  ut  Macedonibus  in  ministerio  esset  adiutor.  Conferebant  ipsi  de  suo,  quo  sanctis  ministraretur:  Paulum  volebant  curam  habere  colligendi.  5.  Ac  non  quatenus.  Sperabat  mediocrem  affectum  ab  illis,  qualem  praestare  quivis  Christianus  debet.  Illi  autem  superarunt  eius  exspectatione]��  :  quia  non  suas  tantum  facultates  habuerunt  expositas,  sed  se  ipsos  impendere  parati  fuerunt.  Tradiderunt,  inquit,  se  ipsos  Deo  primum,  deinde  nobis.  Quaeri  potest  an  aliud  fuerit  Deo  se  tradere  quam  Paulo.  Hoc  vulgare  est,  quum  Deus  per  aliquem  mandat  vel  praecipit,  ministrum  illi  adiungi,  tam  in  potestate  iubendi  quam  in  obedientia.  Visum  est  spiritui  sancto  et  nobis,  dicunt  apostoli  (Act.  15,  28):  quum  tamen  pronuntiaret  duntaxat  tanquam  organa  quod  a  spiritu  revelatum  et  iniunctum  erat.  Rursum  (Exod.  14,  31):  credidit  populus  Domino  et  Mosi  servo  eius.  Neque  tamen  Moses  quidquam  habebat  a  Deo  separatum.  Atque  hoc  denotat  particula,  quae  mox  sequitur,  per  v  o  l  u  n  t  a  t  em  Dei.  Quum  enim  Deo  essent  obsequentes,  qui  eos  ministri  sui  consilio  regendos  tradiderat,  sequuti  sunt  hanc  rationem,  ut  Paulum  quasi  ex  ore  Dei  loquentem  audirent.  6.  Ut  adhortaremur  Titum.  Haec  vero  efficacior  est  adhortatio,  quum  se  audiunt  nomine  citari  ad  officium.  Neque  hoc  fuit  Macedonibus  invidiosum,  quod  socios  beneficentiae  habere  cuperet  Corinthios.  Excusatur  interea  Titus,  ne  existiment  Corinthii  eum  diligentius  sibi  institisse,  quasi  diffideret  de  eorum  animis.  Rogatus  enim  id  agebat  Macedonum  potius  nomine  quam  suo.  7.  Verum  quemadmodum.  Iam  circumspectus  valde  fuerat  in  cavenda  offensione,  quum  diceret,  Titum  non  tam  proprio  impulsu  quam  Macedonum  mandato  eos  sollicitasse:  nunc  vero  longius  etiam  procedit,  admonens  ne  id  quidem  exspectandum  esse,  dum  ad  ipsos  perferatur  Macedonum  legatio:  atque  id  quidem,  laudando  alias  eorum  virtutes:  ac  si  diceret,  non  modo  adiungere  vos  Macedonibus  comites  debetis,  qui  id  postulant:  sed  excellite  etiam  in  hac  parte,  quemadmodum  in  reliquis.  Sermonem  distinguit  a  fide:  quia  fieri  potest  ut  fidem  quis-  Calvini  opera.  Vol  L.