5:97  LIBER  I.  CAPUT  XII.  Occurrat  hoc  loco  tibi  Laberianus  ille  versus,  qui  medio  civili  bello  in  theatro  dictus,  totum  in  se  populum  non  aliter  convertit,  quam  si  missa  vox  esset  publici  affectus:  Necesse  est  multos  timeat,  quem  multi  timent.  Ita  natura  constituit,  ut  quod  alieno  metu  magnum  est,  suo  non  vacet.  Timeri  vult]  Quid  enim  aliud  faciunt,  quam  terrorem  omnibus  incutiunt,  qui  omnes  sibi  gladios  impendere,  suaeque  vitae  imminere  arbitrantur?  Lege  tragoediam  Senecae  quae  inscribitur  Octavia:  in  quam  sententias  paene  ad  verbum  ex  hoc  opere  transtulit.  Vere  ergo  tyrannica  vox  Dionysii,  qua  iactabat  vincula  adamantina  esse  metum,  violentiam,  classem  et  decem  millia  armatorum.  Et  illo  exsecrabili  versu]  Versus  hic  Atreo  attribuitur  in  tragoedia  quadam  veteri,  sive  Accii,  sive  alterius  cuiuspiam:  quemadmodum  Cicero  duobus  locis  meminit:  Offic.  L:  Si  Aeacus  aut  Minos  dixerit,  Oderint,  dum  metuant,  aut:  Natis  ipse  sit  sepulcrum  parens:  indecorum  videretur,  quod  eos  fuisse  iustos  accepimus;  at  Atreo  dicente,  plausus  excitantur.  Et  Philipp.  L:  Videmus  quoque  in  fabulis,  ipsis  qui  Oderint  dum  metuant,  dixerint,  perniciosum  fuisse.  Oderint  dum  metuant]  Suetonius  in  Caligula:  Tragicum  illud  subinde  iactabat:  Oderint  dum  metuant.  Item  in  Tiberio:  Tragicum  illud  identidem  iactabat:  Oderint  dum  probent.  Seneca  lib.  L  de  Ira:  Diram  illam  et  abominandam  vocem  Syllano  scias  tempore  esse  scriptam:  Oderint  dum  metuant.  Hoc  nomine  Caesarem  onerat  invidia  Lucanus,  his  verbis  :  Gaudet  tamen  esse  timori  Tam  magno  populis:  et  se  non  mallet  amari.  Uli  supra  modum  odia  creverunt]  Tyrannus  quidem  satis  prospere  actum  putat,  si  a  suis  metuatur,  nihil  ad  be  pertinere  odium  existimans,  quod  terrori  succumbat.  Interim  crescunt  odia,  et  tandem  in  rabiem  vertuntur,  quae  nullo  timore  qualibet  ruit.  Hic  nihil  agunt  gladii,  nihil  satellites,  hic  miser  a  suis  praesidiis  deseritur,  quae  sibi  in  eam  fortunam  comparaverat.  Temperatus  enim  tvmor]  Nam  et  boni  principes  necesse  habent  metu  continere  facinorosos  homines,  ut  appetitus  noxii  sub  iuris  regula  limitentur:  et  poenas  exsequi  quae  irrogantur  a  legibus,  ne  impunitas  augeat  confidentiam.  Sed  adhibent  temperaturam:  quoniam  multis  exorabiles  l)  se  praestant,  |pag.  891  pluribus  etiam  amabiles.  Terror  ille  tyrannicus,  qui  nec  mediocritatem  habet,  nec  intervallum,  nec  discrimen,  ita  ad  vivum  pungit,  ut  magis  irritet  quam  coerceat  1)  Sic  omnes  recentiores.  Princeps  male:  execrabiles,  quod  tamen  corrigit  in  erratis  Calvini  opera.  Vol.  F.