4:97  97  LIVRE  III.  CHAPITRE  III.  98  piete  est  irremissible,  il  foudroye  sus  eux  pour  les  faire  perir.  C'est  la  vengeance  de  laquelle  l'Apostre  menace  les  apostats,  qui  sciemment  et  volontairement  se  revoltent  de  la  verite  de  l'Evangile:  et  en  ce  faisant  se  mocquent  de  Dieu,  reiettent  sa  grace  avec  ignominie,  profanent  et  foullent  aux  pieds  le  sang  de  Iesus  Christ,  mesme  le  crucifient  derechef,  entant  qu'en  eux  est  (Hebr.  10,  29.  30).  Car  l'Apostre  en  ce  passage-la  ne  veut  point  ietter  en  desespoir  tous  ceux  qui  ont  peche  a  leur  escient  :  1)  mais  veut  simplement  monstrer  que  c'est  un  crime  irremissible  que  de  renoncer  du  tout  a  la  doctrine  de  l'Evangile:  tellement  qu'on  ne  doit  trouver  estrange,  si  Dieu  le  punit  en  extremite  de  rigueur,  iusques  a  n'en  donner  iamais  pardon,  quand  il  a  este  si  vilainement  mesprise.  Car2)  il  dit  qu'il  est  impossible  que  ceux  qui  ont  este  une  fois  illuminez,  et  ont  receu  la  grace  du  ciel,  ayans  este  faits  participans  du  sainct  Esprit,  et  ayans  gouste  la  parolle  de  Dieu  et  les  vertus  de  la  vie  future,  s'ils  retombent  derechef,  soyent  reduits  a  penitence,  veu  que  cela  est  crucifier  pour  la  seconde  fois  le  Fils  de  Dieu,  et  l'avoir  en  moquerie  (Hebr.  6,  4  .  6).  Item  en  un  autre  lieu,  Si  nous  pechons  volontairement,  dit-il,  apres  avoir  receu  la  cognoissance  de  verite,  il  ne  nous  reste  plus  de  sacrifice,3)  mais  une  horrible  attente  du  iugement  (Hebr.  10,  26).  Ce  sont  les  passages,  par  la  mauvaise  intelligence  desquels,  les  Novatiens  ont  autrefois  trouble  l'Eglise.  4)  Et  pource  qu'ils  sont  durs  de  premiere  apparence,  aucuns  bons  personnages  ont  estime  que  ceste  Epistre  estoit  supposee,  laquelle  neantmoins  de  vray  monstre  par  tout  un  esprit  Apostolique.  Or5)  pource  que  nous  n'avons  dispute  sinon  avec  ceux  qui  la  recoyvent,  il  est  aise  de  monstrer  combien  ces  sentences  ne  font  rien  pour  confermer  leur  erreur.  Premierement  il  est  necessaire  que  l'Apostre  consente  avec  son  Maistre,  lequel  certifie  que  tout  peche  et  blaspheme  sera  remis,  excepte  le  peche  contre  le  sainct  Esprit,  qui  n'est  remis  n'en  ce  monde  n'en  l'autre  (Matth.  12,  31  ;  Marc  3,  28;  1)  Le  latin  ajoute:  ut  volunt  quidam  praepostere  austeri.  2)  L'auteur  fait  entrer  ici  un  morceau  qu'il  emprunte  a  V  exposition  du  Symbole  des  Apostres,  a  V  article  de  la  remission  des  peches.  Ch.  IV.  p.  290  de  V  ed.  de  1541,  correspondant  au  Ch.  VIII.  p.  492  de  Ved.  de  1545  ou  Ch.  Vill.  §.  216  des  editions  de  1551  et  suiv.  Ce  morceau  dans  l'ancienne  redaction  commencait  en  ces  termes:  Toutesfois  ceux  qui  sont  si  rudes  et  mexorables  contre  les  pechez  voluntaires,  pretendent  l'authorite  de  l'Apostre  lequel  (comme  il  semble  advis)  oste  toute  esperance  de  pardon  ^  en  cest  endroit.  Car  il  dit  etc.  Ce  qui  suit  est  reproduit  liberalement  dans  la  nouvelle'redaction.  3)  Le  latin  ajoute:  pro  peccatis.  4)  trouble  l'Eglise,  le  texte  latin  porte:  insaniendi  materiam  hauserunt.  5)  1541  s.:  Et  pource.  Calvini  opera.  Vol.  IV.