35:97  97  IOB  CHAP.  XXXIII.  98  quelque  esperance,  et  qui  fait  que  nous  recourons  a  Dieu  pour  y  avoir  nostre  refuge?  N'est-ce  pas  luy  qui  nous  illumine  en  la  foy?  Ainsi  donc  ce  n'est  point  sans  cause  qu'Eliu  adiouste,  Que  Dieu  a  trouve  reconciliation.  Et  pourquoy?  Quand  il  nous  afflige,  desia  il  nous  prepare  pour  recevoir  la  grace  qu'il  nous  veut  faire:  car  cependant  que  nous  sommes  enflez  d'orgueil,  la  bonte  de  Dieu  n'a  point  d'entree  en  nous:  cependant  que  nous  sommes  endurcis  en  nos  pechez,  nous  repoussons  ceste  gracela  bien  loin:  cependant  que  nous  sommes  confits  en  nos  ordures,  il  est  certain  que  nous  ne  pouvons  gouster  que  c'est  de  ceste  reconciliation  qui  a  este  faite  par  nostre  Seigneur  Iesus  Christ.  Il  faut  donc  que  Dieu  besongne  ici,  et  que  l'ouvrage  soit  sien.  Et  comment  est-ce  qu'il  y  besongne?  En  premier  lieu  quand  il  nous  amene  a  la  cognoissance  de  nos  pechez  par  tant  de  remords  qu'il  nous  donne:  comme  il  a  este  dit  cy  dessus,  qu'il  nous  envoye  des  effrois  la  dedans,  comme  s'il  sonnoit  une  trompette  pour  nous  adiourner  devant  son  iugement.  Voila  donc  comme  Dieu  par  inspirations  secretes  nous  appelle  a  soy  quand  il  voit  que  nous  en  sommes  esgarez  et  distraits.  Et  puis,  il  nous  ordonne  gens  qui  nous  admonnestent,  qui  nous  redarguent.  Et  voila  encores  un  grand  bien,  quand  nous  avons  de  bons  docteurs  et  fideles,  qui  nous  remonstrent  nos  pechez  au  vif,  qui  nous  menacent  de  la  perdition  eternelle.  Au  reste,  si  cela  ne  suffit  (comme  nous  voyons  que  nous  sommes  tant  durs  a  l'esperon,  qu'il  faut  que  Dieu  nous  pieque  et  nous  poigne  plus  asprement)  il  adiouste  des  corrections  de  sa  main,  et  il  nous  afflige.  Et  voila  comme  il  nous  faut  faire  profiter  les  corrections,  afin  que  nous  ne  soyons  point  comme  des  enclumes  pour  repousser  les  coups.  Mais  encores  c'est  luy  qui  pour  ce  faire  nous  donne  des  coeurs  de  chair,  et  nous  amollist  ceste  durete  qui  est  en  nostre  maudite  nature.  Et  bien,  Dieu  a-il  fait  valoir  ses  corrections?  Alors  c'est  le  temps  oportun  de  nous  manifester  sa  misericorde,  et  nous  1a  faire  gouster.  Ainsi  donc  nous  voyons  bien  que  c'est  luy  qui  trouve  reconciliation,  que  nous  ne  pouvons  pas  anticiper  de  nostre  coste,  et  mesmes  nous  ne  faisons  que  reculer  de  luy.  Quand  Dieu  nous  instruit,  ou  en  sommes-nous?  Et  s'il  nous  laisse  la,  ne  sommes-nous  pas  comme  enyvrez  en  nos  cupiditez  sans  iamais  penser  a  luy?  Mais  encores  qu'il  nous  envoye  des  bonnes  remonstrances,  et  que  nous  soyons  convaincus  de  nostre  mal:  si  est-ce  que  nous  taschons  d'ensevelir  le  tout,  afin  qu'on  n'en  voye  rien.  Les  autres  grinceront  les  dents  et  se  despiteront  quand  on  leur  remonstre  leurs  iniquitez,  tellement  que  tant  s'en  faut  qu'ils  puissent  souffrir  cela,  qu'il  n'est  question  que  de  mordre  et  de  re-  Calvini  opera.  Vol.  XXXV.