31:97  97  PSALMUS  IX.  98  quod  sibi  arroget:  tantum  abest  ut  tolerabilis  sit  sacrilega  eorum  superbia,  qui  se  ipsos  efferendo  gloriam  eius,  quantum  in  ipsis  est  obscurant.  Narrabo  omnia  mirabilia.  Confirmat  hoc  membro  quod  prius  dixi,  non  de  una  tantum  victoria  aut  liberatione  verba  fieri  :  quia  sibi  in  genere  meditanda  proponit  David  quae  Deus  in  eius  gratiam  miracula  ediderat.  Porro  miracula  appellat,  non  quaevis  beneficia  sibi  divinitus  praestita,  sed  liberationes  illas  magis  insignes  et  memoratu  dignas,  in  quibus  coelestis  potentiae  specimen  lucebat.  Nam  etsi  Dominus  bonorum  omnium  autor  vult  agnosci:  quibusdam  tamen  donis  clariores  notas  insculpit,  quae  sensus  nostros  alioqui  torpentes  melius  expergefaciunt.  Ergo  perinde  est  ac  si  testetur  David  se  non  vulgari  modo  fuisse  a  Deo  servatum,  sed  conspicuam  illic  fuisse  Dei  virtutem,  quia  manum  suam  supra  communem  et  usitatum  ordinem  mirabiliter  extulerit.  3.  (Laetabor  et  exsultabo.)  En  quomodo  sincere  et  absque  fuco  Deum  celebrent  fideles:  nempe  dum  in  se  ipsis  minime  acquiescunt,  nec  eos  inebriat  stulta  carnis  confidentia,  sed  in  Deo  solo  laetantur,  quod  nihil  aliud  est  quam  laetitiae  materiam  ex  mera  eius  gratia  petere,  quoniam  in  ea  consistat  tota  felicitas.  Tenenda  est  enim  antithesis  inter  gaudium  quod  ex  se  ipsis  captant  homines,  et  quod  in  Deo  quaerunt.  Ac  quo  melius  exprimat  David,  se  nihil  sibi  facere  reliquum  quod  ipsum  vana  delectatione  detineat  vel  occupet:  exsultandi  verbum  addit,  quo  significat  plenum  laetitiae  cumulum  sibi  m  Deo  omni  ex  parte  constare,  ut  ne  minima  quidem  gutta  alibi  quaerenda  sit.  Iam  memoria  quoque  repetere  convenit  quod  supra  attigimus,  Davidem  priora  gratiae  Dei  documenta  sibi  proponere,  ut  alacrius  sua  ad  Deum  vota  concipiat:  nam  qui  -precationis  suae  exordio  sibi  laetitiae  materiam  in  Deo  suppetere  affirmat,  optima  fiducia  se  praemunit.  4.  (Dum  vertuntur.)  His  verbis  causam  reddit,  cur  Dei  laudes  suscipiat,  canendas  :  quia  scilicet  se  toties  victorem  non  propria  nec  militum  suorum  virtute,  sed  gratuito  Dei  favore  fuisse  agnoscat.  Priore  membro  historice  narrat,  hostes  fuisse  prostratos  vel  in  fugam  compulsos:  postea  ex  fidei  sensu  adiungit  hoc  non  accidisse  humanitus  vel  fortuito,  sed  quia  Deus  contra  ipsos  in  acie  steterit.  Prudenter  ergo  David,  quum  hostes  suos  terga  dare  conspiceret,  mentis  oculos  ad  Deum  extulit,  ut  sentiret  non  aliunde  quam  ex  abscondito  eius  auxilio  victoriam  sibi  manare.  Et  certe  ipse  unus  est  qui  spiritu  consilii  regit  simplices,  rursumque  astutos  dementat,  stuporeque  percutit:  qui  mollibus  et  pavidis  inspirat  fortitudinem,  audacissimos  vero  quosque  metu  percellit:  qui  infirmos  instruit  novo  robore,  robustos  vero  debilitat:  qui  manus  imbelles  Calvini  opera.  Vol.  XXXI.