30:97  97  IN  I.  LIB.  SAMUEL.  CAP.  XV.  98  aboleri,  quin  sibi  reliquias  semper  aliquas  reservarit,  a  quibus  suum  nomen  invocetur.  Quare  nos  oportet  esse  persuasos,  postquam  a  Deo  in  filiorum  numerum  adoptati  sumus,  nulla  metuenda  pericula,  quibus  alioqui  terreri  possemus,  nisi  in  ipsius  consilii  immutabilitatem  intueremur.  Itaque  licet  sexcentis  mortis  periculis  cingamur,  minime  tamen  dubitandum,  quin  salvi  et  incolumes  evadamus,  quandoquidem  penes  Deum  est  fortitudo:  quemadmodum  ipsemet  apud  Joannem  Dominus  noster  loquitur:  Pater  meus  qui  dedit  mihi  oves,  maior  omnibus  est.  Quibus  verbis  indicat,  salutem  nostram  a  mortalibus  creaturis  minime  pendere:  sed  semel  a  Deo  electos  et  in  numerum  filiorum  adoptatos  ipsi  esse  curae,  ac  proinde  vim  suam  et  potentiam  in  illis  semper  conservandis  Deum  re  ipsa  demonstraturum.  Yerum  enim  vero  nos  etiam  vicissim  par  est  ipsum  assiduis  precibus  sollicitare,  ne  nos  permittat  unquam  a  se  recedere,  aut  ulla  occasione  averti,  ne  adversus  ipsius  mandata  quidquam  faciamus,  nobisque  perniciem  et  exitium  accersamus.  Tanto  itaque  vehementius  nos  ad  illum  invocandum  incitari  par  est,  ut  sancti  spiritus  sui  virtute  nos  sic  afficiat  et  impellat,  ut  non  tantum  bonam  voluntatem  in  ipsius  timore  ambulandi,  sed  etiam  in  ea  perseverandi,  et  malo  resistendi  studium  habeamus.  Quapropter  locum  illum  Geneseos  animis  nostris  altius  infigamus,  ut  quandoquidem  natura  Deo  invisi  sumus,  et  inde  a  matris  utero  rei  aeternae  maledictionis,  et  nos  aeterna  damnatio  manet,  discamus  ad  specialem  illam  divinae  adoptionis  gratiam  gratuitam  confugere,  ut  facti  illius  filii,  etiam  grati  ipsi  et  accepti  simus,  et  in  nobis  delectetur:  quemadmodum  alibi  dicitur  Dominus  delectari  in  opere  manuum  suarum.  Quare  quum  Dei  nova  creatura  fuerimus,  et  sancti  sui  spiritus  notam  in  nobis  impresserit,  nostraque  adoptio  rata  fuerit,  ne  dubitemus  quin  adversus  omnia  pericula  tuti  conservemur.  Et  de  hac  voce  Poenitendi  hactenus.  Caeterum  hic  notandum,  quo  maiora  sunt  Dei  erga  nos  benefacta,  eo  severius  eius  in  nos  iram  exarsuram,  nisi  tanta  bona  ut  par  est  agnoscentes,  meritis  eum  laudibus  extollamus,  et  debitas  gratias  agamus,  quod  ita  peccata  nostra  in  dies  augerentur  et  novis  cumularentur.  Sed  quid  illud  est,  quod  indignatus  Samuel  dicitur,  et  ei  istud  displicuisse?  Adeone  sui  oblitus,  ut  adversus  quem  irascatur  non  agnoscat?  Neque  enim  habebat  hic  parem  cui  succenseret,  nullus  erat  qui  negotium  ipsi  facesseret:  de  solo  Dei  decreto  Sauli  manifestando  hic  agitur:  quamobrem  quum  adeo  vehementer  indignatur,  adversus  Deum  ipsum  insurgere  velle  videtur.  Et  sane  Samuelem  hic  omni  culpa  liberare  non  possumus,  quin  aliquid  humani  passus  sit,  et  temeraria  passione  quadam  abreptus:  nam  humanis  passioni-  Calvini  opera.  Vol.  XXX.