27:97  97  SUR  LE  DEUTER.  CHAP.  XL  98  main  de  Moyse,  et  par  consequent  il  faut  qu'auiourd'huy  nostre  Seigneur  Iesus  Christ  nous  gouverne  tellement,  que  nous  recevions  par  foy  tout  ce  qui  nous  est  declaire  en  son  nom.  Voila  donc  comme  la  parolle  de  Dieu  aura  sa  preeminence,  et  son  authorite:  c'est  quand  les  hommes  ne  se  gouverneront  point  a  leur  appetiit,  mais  qu'ils  escoutteront  la  voix  de  Iesus  Christ  pour  s'y  assuiettir:  qu'il  aura  sur  eux  la  maistrise  qui  luy  est  donnee  de  Dieu  son  Pere:  qu'ils  recevront  de  luy  ce  qui  leur  sera  annonce  sans  exception,  et  sans  contredit,  cognoissans  que  c'est  par  ce  moyen-la  que  Dieu  veut  esprouver  l'obeissance  que  nous  luy  rendons.  LE  TROISIESME  SERMON  SUR  LE  CHAP.  XL  V.  8-15.  DU  MARDI  24E  DE  SEPTEMBRE  1555.  Apres  que  Moyse  a  exhorte  le  peuple  a  garder  les  commandemens  de  Dieu,  il  luy  donne  courage,  en  luy  mettant  les  promesses  au  devant:  comme  si  Dieu  declairoit  qu'il  ne  veut  point  estre  servi  que  le  peuple  n'ait  bon  salaire.  Comme  de  faict,  Dieu  voyant  que  nous  sommes  si  lasches  et  tardifs  a  nous  adonner  a  luy,  nous  induit  a  ce  faire,  en  nous  promettant  que  ce  ne  sera  point  aussi  peine  perdue:  non  pas  qu'il  soit  tenu  a  ce  faire,  ou  bien  qu'il  nous  vueille  tenir  comme  mercenaires,  ou  que  nous  puissions  rien  desservir,  et  meriter  envers  luy:  il  nous  faut  oster  toutes  ces  imaginations-  la.  Dieu  desia  *  est  digne  que  nous  venions  nous  rendre  a  son  obeissance,  encores  qu'il  n'y  en  eust  loyer  qui  nous  fust  propose:  car  nous  le  devons  aimer  a  cause  de  luy,  et  non  point  pour  recompence  que  nous  attendions.  Et  puis  d'autre  coste  il  nous  faut  avoir  une  affection  franche  et  liberalle,  que  nous  ne  soyons  point  comme  ceux  qui  ne  font  rien,  que  tousiours  ils  ne  voyent  leur  profit  devant  eux.  Nous  devons  donc  aimer  Dieu  d'une  amour  gratuite.  Il  y  a  pour  le  troisiesme,  que  nous  aurons  beau  faire,  nous  ne  pourrons  rien  meriter:  quand  nous  aurons  fait  tout  ce  que  nous  pourrons,  Dieu  n'est  point  oblige  envers  nous  pourtant.  Car  nous  sommes  siens:  et  que  luy  pouvonsnous  apporter  que  desia  ne  luy  soit  deu  de  nature?  Mais  il  veut  bien  s'accommoder  a  nostre  rudesse,  en  disant,  que  si  nous  le  servons,  il  y  a  le  salaire  tout  prest,  et  qu'il  ne  nous  faut  point  craindre  que  nostre  labeur  soit  inutile  quand  nous  aurons  tasche  ainsi  de  l'honorer.  Nous  voyons  maintenant  quelle  sottise  c'est,  de  vouloir  conclurre,  d'autant  que  Dieu  promet  a  ceux  qui  garderont  sa  Loy  quelque  Calvini  opera.  Vol  XXVII,