23:97  97  COMMENTARIUS  IN  GENESIN.  98  dius  est,  quod  multi  ex  Iudaeis  sententiam  hanc  mutilant:  et  in  hoo  membro  anoouamjaw  fingunt,  post  quam  aliquid  subaudiendum  sit:  deinde  novam  sententiam  inchoant:  Septuplum  punietur,  quam  referri  volunt  ad  Cain:  quanquam  necdum  inter  eos  de  sensu  convenit.  Quidam  nugantur  de  Lamech  ,  ut  paulo  post  dicemus.  Alii  exponunt  de  diluvio,  quod  incidit  in  septimam  generationem.  Id  vero  frivolum  est:  quum  minime  fuerit  privata  unius  familiae,  sed  communis  generis  humani  ultio.  Verum  haec  sententia  uno  contextu  legi  debet:  Propterea  septuplum  punietur  quisquis  occiderit  Cain.  Et  particula  causalis  ph  Deo  indicat  fore  curae  ne  quisquam  adeo  facile  in  caedem  prorumpat:  non  quod  in  gratiam  homicidae  privilegium  statuerit  Deus,  vel  exaudierit  eius  votum:  sed  quia  posteris  consultum  esse  voluit,  in  humani  generis  conservationem.  Prodigiose  violatus  fuerat  naturae  ordo:  quid  postea  futurum  erat,  crescente  hominum  malitia  et  audacia,  nisi  violenta  manu  cohibitus  fuisset  aliorum  furor?  Scimus  enim  quam  pestilens  et  mortiferum  venenum  propinet  in  malis  exemplis  Satan,  nisi  protinus  adhibeatur  remedium.  Pronunciat  ergo  Dominus,  si  qui  imitabuntur  Cain,  non  solum  minime  fore  excusabiles  eius  exemplo,  sed  gravius  plectendos:  quia  in  eius  persona  agnoscere  debeant  quam  detestabile  sit  scelus  coram  Deo.  Quare  multum  falluntur  qui  mitigari  putant  iram  Dei  peccandi  consuetudine,  quae  inde  magis  inflammatur.  Posuit  itaque  Deus  signum.  Nuper  dixi  nihil  concessum  fuisse  in  eius  favorem,  sed  ut  crudelitati  et  iniustae  violentiae  in  posterum  obviam  iretur.  Ideo  nunc  dicit  Moses  signum  fuisse  positum  in  Cain,  quod  omnibus  terrorem  incuteret:  quia  tanquam  in  speculo  cernere  licuit,  ti  emendum  esse  Dei  iudicium  contra  homines  sanguinarios.  Quale  autem  signum  fuerit,  quia  non  exprimit  scriptura,  divinarunt  interpretes,  corpus  eius  fuisse  tremulum.  Nobis  sufficiat  visibile  aliquod  symbolum  exstitisse,  quod  nocendi  libidinem  et  audaciam  in  spectatoribus  reprimeret.  16.  Et  egressus  a  facie  Domini,  Dicitur  Cain  egressus  a  conspectu  Dei,  quia  quum  hactenus  egisset  in  terra  quasi  in  Dei  hospitio,  nunc  tanquam  exsul,  procul  amotus  a  Dei  conspectu,  oberrat  extra  eius  praesidium.  Vel  certe  (quod  non  minus  probabile  est)  intelligit  Moses  stetisse  illum  ad  tribunal  iudicis,  donec  foret  damnatus.  Nunc  vero  postquam  cessavit  Deus  cum  ipso  loqui,  excusso  praesentiae  eius  sensu,  alio  se  proripere,  et  novam  habitationem  quaerere,  ubi  Dei  oculos  fugiat.  Terra  Nod  nomen  haud  dubie  a  suo  inquilino  sortita  est.  Quod  locatur  ad  orientem  paradisi,  hinc  colligere  licet  verum  esse  quod  prius  diximus,  certum  locum  amoenitate,  et  uberrima  Calvini  opera.  Vol.  XXIII.