21:97  97  PAR  NICOLAS  COLLADON.  98  sa  devise.  A  la  fin  donques  il  demeura  tout  a  plat,  ayant  bien  l'usage  de  parler,  mais  ne  pouvant  pas  bien  poursuivre  un  propos  longuement,  a  cause  de  sa  courte  halaine:  mais  encore  ne  cessoit-ii  de  travailler  pour  parachever  les  ouvrages  par  luy  commencez  auparavant,  ainsi  qu'il  a  este  dit.  Outre  cela,  il  ne  s'espargnoit  aux  affaires  des  Eglises,  respondant  et  de  bouche  et  par  escrit  quand  il  en  estoit  besoin:  encores  que  de  nostre  part  nous  lui  fissions  remonstrances  d'avoir  plus  d'esgard  a  soy.  Mais  sa  replique  ordinaire  estoit,  qu'il  ne  faisoit  comme  rien,  que  nous  souffrissions  que  Dieu  le  trouvast  tousiours  veillant  et  travaillant  a  son  oeuvre  comme  il  pourroit,  iusques  au  dernier  souspir.  Le  Vendredi  10  de  Mars  il  fut  visite  apres  disner  par  aucuns  des  freres  Ministres  de  ceste  Eglise,  les  uns  demeurans  en  la  ville,  les  autres  aux  champs.  Ils  le  trouverent  vestu  et  assis  en  sa  chaire  aupres  de  sa  table,  et  furent  tous  biens  esbahis,  le  voyans  merveilleusement  presse  de  sa  courte  halaine.  De  sa  part  aussi,  il  fut  quelque  temps  avant  que  leur  rien  dire,  appuyant  son  front  sur  une  de  ses  mains,  comme  de  tout  temps  il  avoit  ceste  facon  assez  commune.  A  la  parfin  se  redressant  et  leur  monstrant  un  visage  doux,  il  les  remercia  en  peu  de  paroles  de  leur  visite  et  de  la  peine  qu'ils  avoyent  pour  luy:  et  leur  dit  qu'il  esperoit  voir  toute  la  compagnie  de  la  a  quinze  iours,  qui  estoit  le  iour  assigne  pour  les  Censures  avant  Pasques:  et  que  ce  seroit  pour  la  derniere  fois.  Car  (disoit-il)  i'espere  que  lors  Dieu  declairera  ce  qu'il  veut  faire  de  moy:  ie  croy  que  ce  sera  ma  fin,  et  que  lors  il  me  retirera.  Le  Vendredi  24  dudit  mois,  il  se  trouva  beaucoup  mieux,  et  furent  tous  les  freres  assemblez  en  sa  chambre  pour  les  Censures,  lesquelles  (comme  c'avoit  tousiours  este  la  coustume)  il  prononca  a  chacun  la  sienne  par  ordre,  suivant  l'advis  des  freres,  ayant  premierement  luy-mesme  este  censure  par  la  compagnie.  Les  Censures  achevees  en  deux  heures  et  demie  ou  environ,  il  declaira  aux  freres  qu'il  sentoit  bien  que  Dieu  luy  avoit  encores  un  peu  prolonge  son  terme,  et  iusques  a  une  autre  fois.  Il  leur  communiqua  aussi  quelques  doutes  qu'il  faisoit  sur  des  Annotations  mises  en  marge  du  Nouveau  Testament,  lesquelles  [g  8]  il  revoyoit.  Et  lors  ayant  demande  ses  papiers,  et  les  prenant  luy-mesme,  en  leut  a  la  compagnie  des  freres  plusieurs  endroits  bien  au  long,  les  priant  de  luy  en  dire  leur  advis,  ce  qu'aussi  ils  firent.  Or  on  s'appercevoit  bien  qu'en  lisant  il  s'alteroit:  mais  pource  qu'il  prenoit  plaisir  a  en  deviser,  *)  nul  des  freres  n'osoit  le  prier  qu'il  se  deportast  de  lire,  d'autant  qu'on  craignoit  de  le  fascher.  Toutesfois  1)  discourir  F.  Calvini  opera.