46:968  nous  faille  endurer  beaucoup  de  fascheries,  tenonsnous  certains  toutesfois  que  nous  ne  laisserons  pas  d'avoir  tousiours  la  paix  a  nostre  Dieu  :  et  le  prions  qu'il  nous  la  face  sentir  par  son  sainct  Esprit,  d'autant  que  c'est  une  chose  qui  surmonte  tout  sens  humain  (comme  desia  nous  avons  touche  de  S.  Paul)  et  que  nous  apprenions  de  tellement  nous  contenter  de  nostre  Seigneur  Iesus  Christ,  et  des  biens  spirituels  desquels  il  nous  fait  participans,  que  nous  puissions  porter  patiemment  toutes  les  miseres  et  afflictions  de  ce  monde.  Qu'il  ne  nous  face  point  mal  d'estre  mesprisez,  d'estre  molestez  de  toutes  parts,  brief,  d'estre  exposez  a  tout  opprobre  et  ignominie,  moyennant  que  Iesus  Christ  soit  avec  nous,  et  qu'il  benie  toutes  nos  miseres  et  afflictions,  et  que  nous  en  rapportons  tel  fruit  qu'on  cognoisse  qu'au  milieu  de  toutes  nos  povretez  nous  ne  demandons  sinon  a  glorifier  nostre  Dieu.  Et  la  ou  les  mondains  font  leurs  triomphes  a  leur  confusion,  d'autant  qu'ils  ne  se  peuvent  esiouir  sinon  en  bataillant  contre  Dieu,  que  nostre  vraye  ioye  soit  de  le  servir  en  toute  crainte  et  humilite,  et  nous  addonner  du  tout  a  son  obeissance.  Voyla  donc  comme  nous  avons  a  faire  nostre  profit  de  ceste  doctrine.  Or  nous-nous  prosternerons  devant  la  maieste  de  nostre  bon  Dieu,  etc.  Imprimerie  Appelhans  &  Pfenningstorff,  Brunswick.