46:967  967  SERMON  DE  LA  NATIVITE  DE  CHRIST.  968  Christ  pour  gage,  afin  que  nous  cerchions  tout  nostre  bien  en  luy:  que  nous  cognoissions  que  nous  ne  pouvons  nous  esiouir  en  facon  que  ce  soit,  iusques  a  ce  qu'il  nous  soit  donne  la  comme  au  milieu,  et  qu'il  soit  tellement  approche  de  nous  que  par  son  moyen  nous  soyons  conduits  iusques  au  Royaume  des  cieux,  duquel  nous  estions  bannis  et  privez  a  cause  de  nos  pechez.  Yoyla  comme  il  nous  faut  avoir  nostre  Seigneur  Iesus  Christ  pour  adresse  de  nostre  salut,  si  nous  voulons  approcher  de  Dieu,  si  nous  desirons  d'avoir  une  vraye  ioye  spirituelle,  un  contentement  et  repos:  si  nous  desirons  aussi  d'estre  armez  contre  les  tentations  que  le  diable  nous  pourra  susciter.  Mais  pour  estre  participans  de  ceste  saincte  table,  avisons  a  nous,  et  cognoissons  on  premier  lieu  nos  miseres,  pour  nous  y  desplaire  et  pour  y  estre  confus  du  tout.  Et  au  reste,  que  nous  cognoissions  que  Dieu  a  voulu  addoucir  toutes  nos  tristesses  et  angoisses,  quand  il  s'est  ainsi  eslargi  en  son  Fils  unique,  et  qu'il  nous  y  a  voulu  resiouir  plenement.  Et  combien  que  nous  soyons  suiets  a  beaucoup  de  povretez  en  ce  monde,  et  assiegez  d'ennemis,  qui  sont  comme  loups  ravissans:  que  le  diable  d'un  coste  ne  cesse  de  chercher  sa  proye  en  nous,  et  les  incredules  abbayent  comme  chiens  mastins  :  combien,  di-ie,  que  nous  soyons  agitez  de  beaucoup  de  troubles,  et  menacez  de  tous  costez:  combien  qu'il