46:966  ainsi  non  sans  cause  ce  mot  est  adiouste  que  la  paix  est  donnee  aux  hommes:  non  pas  pour  aucun  merite,  non  pas  qu'ils  l'ayent  acquise,  mais  par  le  bon  plaisir  de  Dieu.  Car  le  mot  dont  use  S.  Luc  emporte  cela  qu'il  ne  faut  chercher  autre  raison,  pourquoy  nostre  Seigneur  Iesus  Christ  nous  est  apparu,  sinon  d'autant  que  Dieu  a  eu  pitie  et  compassion  de  nos  miseres.  Comme  aussi  il  est  dit  au  troisieme  chapitre  de  S.  Iehan  C.  16.  que  Dieu  a  tant  aime  le  monde  qu'il  n'a  point  espargne  son  propre  Fils,  mais  l'a  livre  a  la  mort  pour  nous.  Apprenons  doncques  de  venir  a  nostre  Seigneur  Iesus  Christ  en  telle  sorte:  c'est  ascavoir  que  le  message  qui  est  yci  publie  par  les  Anges,  nous  soit  comme  une  lampe  ardente  pour  nous  monstrer  le  chemin,  que  la  foy  nous  conduise,  et  que  nous  scachions  qu'il  est  maintenant  Dieu  en  nous,  d'autant  qu'il  est  Dieu  avec  nous.  Il  s'est  declare  nostre  Dieu  avec  nous  quand  il  a  voulu  habiter  en  nostre  nature  humaine  comme  en  son  temple:  mais  maintenant  il  est  Dieu  en  nous,  c'est  a  dire  que  nous  le  sentons  conioint  a  nous  en  plus  grande  vertu  que  quand  il  s'est  monstre  et  declare  homme  mortel.  Mesmes  il  est  et  Dieu  et  homme  en  nous.  Car  premierement  par  la  vertu  de  son  sainct  Esprit  il  nous  vivifie:  et  puis  il  est  homme  en  nous  d'autant  qu'il  nous  fait  participans  du  sacrifice  qu'il  a  offert  pour  nostre  salut,  et  nous  declare  que  non  sans  cause  il  a  prononce  que  sa  chair  estoit  vrayement  viande,  et  son  sang  estoit  vrayement  bruvage.  Et  voyla  pourquoy  aussi  la  saincte  table  nous  est  apprestee,  c'est  ascavoir  afin  que  nous  cognoissions  que  nostre  Seigneur  Iesus  estant  descendu  yci  bas  et  s'estant  aneanti  du  tout,  n'est  pas  pourtant  separe  d'avec  nous,  quand  il  est  monte  en  sa  gloire  des  cieux:  mais  que  plustost  c'est  a  ceste  condition  que  nous  soyons  participans  de  son  corps  et  de  son  sang.  Et  pourquoy?  Car  nous  scavons  que  sa  iustice  et  son  obeissance  est  la  satisfaction  de  nos  pechez,  et  qu'il  a  appaise  l'ire  de  Dieu  par  le  sacrifice  qu'il  a  offert  de  son  corps  et  de  son  sang  en  ceste  humanite  qu'il  a  prinse  de  nous.  Puis  qu'ainsi  est  donc,  que  nous  ne  doutions  point,  quand  Iesus  Christ  nous  convie  a  ceste  table,  combien  que  nous  n'appercevions  que  du  pain  et  du  vin,  que  vrayement  ii  n'habite  en  nous,  et  que  nous  ne  soyons  tellement  conioints  a  luy  qu'il  n'ha  rien  de  propre  qu'il  ne  nous  vueille  communiquer.  Que  nous  cognoissions,  di-ie,  cela  afin  de  scavoir  faire  nostre  profit  de  ce  Sacrement  qui  nous  a  este  establi  par  luy:  et  que  toutesfois  et  quantes  que  nous  avons  a  le  recevoir,  nous  scachions  que  Dieu  nous  eust  bien  delivrez  de  l'abysme  de  condamnation  auquel  nous  estions  par  un  autre  moyen  s'il  eust  voulu:  mais  qu'il  nous  a  voulu  donner  plus  d'asseurance  de  l'amour  qu'il  nous  porte  quand  nous  avons  Iesus  61*