46:965  965  DE  LA  NATIVITE  DE  CHRIST.  966  nous  advoue  pour  ses  enfans,  qu'il  nous  donne  liberte  de  le  reclamer  comme  nostre  Pere  a  plene  bouche,  de  venir  franchement  a  luy,  et  y  avoir  nostre  refuge.  Cependant  recueillons  de  la  que  Dieu  a  tellement  ordonne  que  l'Evangile  se  presche  par  la  bouche  des  hommes,  que  les  Anges  ont  precede  neantmoins.  Auiourd'huy  il  est  vray  qu'il  faut  que  l'Eglise  soit  enseignee  par  le  moyen  des  creatures  mortelles:  mais  quoy  qu'il  en  soit,  nous  n'apportans  rien  de  nouveau,  seulement  nous  recitons  la  predication  qui  a  este  faite  par  les  Anges  de  Paradis,  et  non  pas  d'un  petit  nombre,  mais  d'une  multitude  infinie,  et  d'une  grosse  armee.  Au  reste,  il  ne  se  peut  faire  que  nous  ne  soyons  enflammez  a  magnifier  nostre  Dieu  quand  nous  serons  plenement  certifiez  de  sa  bonte.  Et  voyla  pourquoy  ces  deux  choses  sont  coniointes,  que  les  Anges  exhortent  tout  le  monde  a  glorifier  Dieu,  d'autant  qu'il  a  donne  une  telle  paix  en  terre.  Nous  iouissons  donc  du  bien  que  Dieu  nous  a  eslargi  par  le  moyen  de  nostre  Seigneur  Iesus  Christ  son  Fils  unique.  Il  a  prins  la  possession  de  ceste  paix,  afin  que  nos  louanges  montent  la.  haut  et  qu'elles  percent  les  nues,  et  que  tout  le  monde  retentisse  de  ce  cantique,  c'est  ascavoir  que  Dieu  soit  benit  et  magnifie  par  tout.  Or  nous  avons  a  recueillir  de  la  que  tousiours  nous  aurons  la  bouche  close,  et  que  nous  ne  pourrons  pas  louer  Dieu  iusques  a  ce  qu'il  nous  ait  fait  sentir  sa  bonte.  Car  de  fait,  comment  les  povres  pecheurs,  cependant  qu'ils  ont  des  troubles  et  remords  en  eux-mesmes,  qu'ils  ne  scavent  si  Dieu  les  aime  ou  les  hait,  pourront-ils  benir  son  nom?  Mais  au  contraire  l'angoisse  les  tiendra  comme  enserrez,  qu'ils  ne  pourront  pas  ouvrir  nullement  la  bouche.  Il  faut  donc  en  premier  lieu  que  Dieu  nous  ait  testifie  a  bon  escient  l'amour  qu'il  nous  porte,  tellement  que  nous  soyons  resolus  qu'il  nous  sera  tousiours  Pere:  et  alors  aussi  nous  aurons  de  quoy  benir  son  nom.  Mais  comme  nous  ne  pouvons  louer  Dieu  iusqu'a  ce  qu'il  nous  ait  declare  sa  bonte,  aussi  apprenons  de  n'avoir  point  une  foy  morte  ou  oisive,  mais  que  nous  soyons  incitez  a  benir  le  nom  de  Dieu,  quand  nous  voyons  qu'il  a  ainsi  desployo  les  grans  thresors  de  sa  misericorde  envers  nous:  et  que  la  bouche  face  son  office  d'un  coste,  et  puis  que  toute  nostre  vie  responde.  Car  voyla  le  vray  cantique,  c'est  que  chacun  se  dedie  au  service  de  Dieu,  cognoissant  que,  puis  qu'il  nous  a  acquis  si  cherement,  c'est  bien  raison  que  toutes  nos  pensees  et  nos  oeuvres  soyent  appliquees  a  cest  usage-la,  que  son  nom  soit  benit.  Et  quand  nous  cognoistrons  que  vrayement  nous  sommes  siens,  nous  scachions  que  c'est  d'autant  qu'il  luy  a  pleu  de  nous  accepter  a  soy,  et  que  le  tout  procede  de  sa  bonte  gratuite.  Et