46:963  963  SERMON  964  vrage  de  Dieu,  lequel  a  marque  son  Fils  unique,  afin  qu'on  le  pust  recevoir  sans  aucune  doute  comme  celuy  qui  avoit  este  promis.  Vray  est  qu'il  y  a  bien  eu  occasion  de  faire  venir  Ioseph  en  Bethlehem,  c'est  ascavoir  l'edict  publie  de  la  part  de  l'Empereur  Romain:  mais  d'amener  la  une  femme  enceinte  et  a  son  terme,  il  est  certain  que  cela  ne  s'est  point  gouverne  par  Phomme  et  que  Dieu  y  a  besongne.  Et  mesmes  nous  voyons  comme  Dieu  use  de  facons  estranges  pour  accomplir  sa  volonte.  Car  cest  edict  de  Cesar  qu'einportoit-il  sinon  une  suietion  tyrannique,  qu'il  faloit  que  le  peuple  des  Iuifs  fust  lors  taille,  qu'il  y  eust  tribut  sur  chacune  personne:  qui  estoit  pour  leur  monstrer  qu'il  ne  faloit  plus  qu'ils  attendissent  aucune  liberte.  Iesus  Christ  estoit  promis  pour  delivrer  les  Iuifs  et  tous  fideles  de  la  suietion  de  Satan  et  de  toute  tyrannie:  il  semble  que  cest  edict  soit  pour  clorre  la  porte,  que  iamais  Dieu  n'accomplisse  ce  qu'il  avoit  promis  a  son  peuple:  et  toutesfois  c'est  le  moyen  de  l'accomplir.  Car  quand  Ioseph  et  Marie  vienent  comme  povres  gens  asservis  a  un  tyran,  a  un  payen  et  incredule,  voyla  comme  Iesus  Christ  est  nay  en  Bethlehem,  la  Prophetie  se  monstre  estre  veritable.  Et  Dieu  (comme  i'ay  dit)  baille  yci  plene  certitude  a  tous  les  siens  qu'il  ne  faut  pas  qu'ils  doutent  de  la  naissance  de  nostre  Seigneur  Iesus  Christ.  Voyla  donc  comme  il  faut  appliquer  a  nostre  usage  et  instruction  les  choses  qui  nous  sont  yci  recitees.  Car  ce  n'a  pas  este  l'intention  de  S.  Luc,  ou  plustost  du  S.  Esprit  qui  a  parle  par  sa  bouche,  de  nous  escrire  simplement  une  histoire  de  ce  qui  estoit  advenu:  mais  il  nous  a  yci  exprime  d'un  coste  comme  le  Fils  de  Dieu  ne  s'est  point  espargne  pour  nous,  et  puis  de  l'autre  comme  il  a  apporte  tesmoignage  infalible  qu'il  estoit  le  Redempteur,  afin  qu'on  le  recoyve  pour  tel.  Or  cependant  avisons  de  faire  nostre  profit  de  ceste  histoire,  tellement  que  noue  puissions  accorder  au  cantique  des  Anges  en  glorifiant  Dieu,  et  recevoir  ainsi  ce  qu'il  nous  donne  yci  pour  esiouissance  de  nos  ames.  En  premier  lieu  l'Ange  dit  (ascavoir  celuy  qui  a  porte  le  message  aux  bergers),  Ne  cvaigne#  point,  ie  vous  annonce  une  grande  ioye.  Et  puis  il  y  a  ce  tesmoignage  commun  de  toute  l'armee  que  Dieu  envoye,  Paix  en  terre  aux  hommes.  Voyla  donc  ce  que  nous  avons  a  retenir  en  premier  lieu,  c'est  que  nous  cherchions  nostre  ioye  en  Iesus  Christ.  Car  de  fait,  quand  nous  aurions  toutes  delices  et  voluptez,  il  ne  seroit  question  que  de  nous  baigner  en  tous  plaisirs:  si  est-ce  que  si  nous  ne  sommes  par  trop  endormis,  voire  stupides  du  tout,  nostre  conscience  n'aura  iamais  repos:  nous  serons  tormentez  sans  fin  et  sans  cesse  :  ce  ver  (dont  parle  l'Escriture)  nous  rongera,  nous  serons  redarguez  de  nos  pechez,  et  nous  sentirons  qu'a  bon  droict  Dieu