46:961  961  DE  LA  NATIVITE  DE  CHRIST.  962  celeste  qui  luy  a  este  donnee  de  Dieu  son  Pere:  ie  di  mesme  en  ceste  nature  humaine  qu'il  a  prise  de  nous.  Car  entant  qu'il  est  Dieu,  il  ha  tout  de  soy-mesme  (comme  ii  en  est  parle  au  17.  ch.  de  S.  Iehan),  mais  selon  son  humanite  il  ha  receu  de  don  gratuit  tout  ce  qu'il  nous  a  apporte,  afin  que  nous  puisions  de  sa  plenitude,  et  que  nous  trouvions  en  luy  tout  ce  qui  est  desirable,  et  ayons  tout  nostre  repos  et  contentement  en  luy  seul.  Or  au  reste  notons  bien  que  le  S.  Esprit  nous  a  aussi  voulu  asseurer  qu'en  ensuyvant  ies  pasteurs  qui  nous  sont  yci  ordonnez  pour  maistres  et  pour  guides,  nous  ne  devons  point  craindre  de  faillir.  Car  si  les  pasteurs  n'eussent  eu  autre  chose  pour  signe  que  l'estable  et  la  creche,  nous  pourrions  dire,  Voyla  des  povres  idiots,  qui  se  sont  fait  a  croire  follement  et  sans  raison  que  c'estoit  le  Redempteur  du  monde:  et  cependant  ce  seroit  une  trop  grande  facilite  a  nous.  Nous  pourrions  donc  estre  en  doute:  mais  les  bergers  ont  este  confirmez  d'autre  part  pour  avoir  certitude  que  c'estoit  le  Fils  de  Dieu,  celuy  qui  estoit  ainsi  couche  en  la  creche  :  c'est  ascavoir  quand  l'Ange  leur  est  apparu,  et  puis  qu'ils  ont  ouy  ce  cantique  que  8.  Luc  adiouste,  la  ou  tout  le  Royaume  des  cieux  rend  tesmoignage  a  nostre  Seigneur  Iesus  Christ,  qu'il  ha  toute  puissance  sur  les  creatures,  tant  du  ciel  comme  de  la  terre.  Apprenons  donc  de  recevoir  (pour  estre  asseurez  en  la  foy  de  Iesus  Christ)  tout  ce  qui  nous  est  yci  propose.  Car  il  est  certain  que  Dieu  a  voulu  convaincre  d'ingratitude  tous  ceux  qui  auiourd'huy  ne  daignent  faire  hommage  a  son  Fils  unique,  quand  il  a  envoye  une  telle  multitude  d'Anges  pour  declairer  qu'il  estoit  le  Redempteur  qui  avoit  este  promis.  Nous  avons  donc  beau  nous  plaire  en  nostre  incredulite:  comme  nous  en  voyons  beaucoup  de  gens  stupides  qui  ne  tienent  conte  de  tout  ce  qui  est  contenu  en  l'Evangile.  Il  y  a  mesme  des  mocqueurs  de  Dieu,  qui  s'anonchalissent  tellement  que  ce  leur  est  tout  un  de  ce  qu'on  leur  preschera:  ils  n'en  tienent  conte  non  plus  que  de  fables.  Or  il  y  a  aussi  de  quoy  pour  convaincre  d'une  rehellion  obstinee  et  diabolique  tous  ceux  qui  ne  8'assuietissent  a  nostre  Seigneur  Iesus  Christ,  pour  luy  faire  hommage.  Car  autant  qu'il  y  a  d'incredules,  ils  auront  une  multitude  infinie  d'Anges  de  paradis  qui  tesmoignera  a  l'encontre  d'eux:  car  ce  sont  les  ministres  de  la  verite  de  Dieu.  Ainsi  donc  que  tous  meschans,  et  tous  ceux  qui  sont  confits  en  leurs  vices  et  corruptions,  se  plaisent  et  s'endurcissent  tant  qu'ils  voudront  en  leur  incredulite,  ils  ont  des  tesmoins  par  trop  suffisans  pour  ratifier  leur  condamnation.  Car  les  Anges  de  paradis  sont  apparus  afin  qu'il  n'y  ait  plus  d'excuse  quand  nous  ne  receverons  Iesus  Christ  pour  nostre  Roy  sou-  Calvini  opera.  Vol  XLVI.